BREAKING NEWSKERALALATESTNEWS

കാസര്‍കോട് ഒരു കുടുംബത്തിലെ 4 പേരെ സഹോദരന്‍ വെട്ടിക്കൊന്നു

കാസര്‍കോട്; ഒരു കുടുംബത്തിലെ നാലുപേരെ യുവാവ് വെട്ടിക്കൊലപ്പെടുത്തി. പ്രതിയെ നാട്ടുകാര്‍ പിടികൂടി കെട്ടിയിട്ട് പോലീസിലേല്‍പിച്ചു. ഉപ്പള ബായാര്‍ കന്യാനയിലാണ് നാടിനെ നടുക്കിയ സംഭവം നടന്നത്. സുദമ്പളയിലെ രേവതി(60), വിട്ടല(75), ബാബു(68), സദാശിവ(50) എന്നിവരാണ് വെട്ടേറ്റ് മരിച്ചത്. മരുമകനായ ഉദയയാ(45)ണ് ഇവരെ വെട്ടിക്കൊന്നത്. തിങ്കളാഴ്ച വൈകീട്ട് ഏഴുമണിയോടെയാണ് സംഭവം നടന്നത്.
മാനസീക അസ്വാസ്ഥ്യമുള്ളതിനാല്‍ കര്‍ണാടക ഷിമോഗയില്‍ ചികില്‍സയിലായിരുന്നു ഉദയ. അടുത്തിടേയാണ് ചികിത്സ കഴിഞ്ഞ് നാട്ടിലേക്ക് തിരിച്ചുവന്നത്. മാതാവ് ലക്ഷമിക്കൊപ്പമാണ് താമസിച്ചിരുന്നത്. വീട്ടില്‍ നടന്ന തര്‍ക്കത്തെ തുടര്‍ന്ന് കൂട്ടക്കൊലപാതകത്തില്‍ കലാശിക്കുകയായിരുന്നു. കൊലപ്പെടുത്തുന്നത് കണ്ട ഉദയയുടെ മാതാവ് ലക്ഷ്മി ഓടി രക്ഷപ്പെടുകയായിരുന്നു.
തടയാന്‍ ചെന്നപ്പോഴാണ് മറ്റുള്ളവര്‍ക്ക് വെട്ടേറ്റത്. ഉദയയുടെ അമ്മാമന്‍മാരാണ് സദാശിവയും വിട്ടളയും ബാബുവും. ഇളയമ്മയാണ് രേവതി. വിവരമറിഞ്ഞ് കാസര്‍കോട് ഡി.വൈഎസ്.പി പി ബാലകൃഷ്ണന്‍ നായരുടെ നേതൃത്വത്തില്‍ പോലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. മൃതദേഹങ്ങള്‍ ജനറലാശുപത്രിയിലേക്ക് മാറ്റി.

Related Articles

Back to top button