BREAKING NEWSKERALALATEST

‘തീവ്രവാദം തടയാന്‍ ഇന്ത്യയെ ഹിന്ദുരാഷ്ട്രമായി പ്രഖ്യാപിക്കണം’; വിവാദപ്രസംഗവുമായി പി.സി.ജോര്‍ജ്

തൊടുപുഴ: ഇന്ത്യയെ ഹിന്ദുരാഷ്ട്രമായി പ്രഖ്യാപിക്കണമെന്ന് പി.സി.ജോര്‍ജ് എംഎല്‍എ. ലവ് ജിഹാദ് അടക്കമുള്ള വിഷയങ്ങളില്‍ നിലപാട് വ്യക്തമാക്കിയാണ് ഇത്തരമൊരു ആവശ്യം പിസി മുന്നോട്ട് വച്ചത്. തൊടുപുഴയിലെ എച്ച്ആര്‍ഡിഎസ് സ്വാതന്ത്ര്യ ദിന അനുസ്മരണ പരിപാടിയില്‍ സംസാരിക്കവെയാണ് വിവാദ പരാമര്‍ശങ്ങളുമായി പിസിയുടെ പ്രസംഗം.
തീവ്രവാദം, ലവ് ജിഹാദ് അടക്കം വര്‍ഗ്ഗീയ ഇടപെടലുകള്‍ തടയാന്‍ രാജ്യത്തെ ഹിന്ദു രാജ്യമായി പ്രഖ്യാപിക്കണം എന്നായിരുന്നു വാക്കുകള്‍. സ്വന്തം താല്പര്യങ്ങള്‍ക്ക് അനുസരിച്ച് ഇടത് വലത് മുന്നണികള്‍ തീവ്രവാദികളുമായി ചേര്‍ന്ന് 2030 ഓടെ ഇന്ത്യയെ ഇസ്ലാമിക രാജ്യമാക്കി മാറ്റുവാന്‍ ശ്രമിക്കുകയാണെന്നും പിസി ജോര്‍ജ് ആരോപിച്ചു.

പി.സി ജോര്‍ജിന്റെ പ്രസംഗത്തിലെ പ്രസക്ത ഭാഗങ്ങള്‍:

‘ലവ് ജിഹാദ് ഇല്ലെന്ന് സുപ്രീം കോടതി പറയുന്നു. എന്നാല്‍ എനിക്കറിയാം ലവ് ജിഹാദ് ഉണ്ടെന്ന്. സുപ്രീം കോടതി പറയുന്നത് തെറ്റാണെന്ന് ഞാന്‍ പറയുന്നു. ഈ പോക്ക് അവസാനിപ്പിക്കണമെങ്കില്‍ ഒരൊറ്റ മാര്‍ഗമേയുള്ള. മഹത്തായ ഭാരതത്തെ ഒരു ഹിന്ദുരാഷ്ട്രമായി പ്രഖ്യാപിക്കണം. ഹിന്ദു രാഷ്ട്രമാക്കണമെന്ന് പിസി ജോര്‍ജ് പറഞ്ഞാല്‍ അത് വലിയ പ്രശ്‌നമാണ് എന്നാല്‍ ആ പ്രശ്‌നത്തെ ഞാന്‍ നേരിട്ടോളാം.
ഇന്ത്യ ഒരു മതേതര ജനാധിപത്യ സോഷ്യലിസ്റ്റ് രാഷ്ട്രമാണ്. ആ മതേതര സോഷ്യലിസ്റ്റ് രാഷ്ട്രത്തില്‍ നടന്നു കൊണ്ടിരിക്കുന്ന മതേതരത്വം ഈ രീതിയിലാണ്. ലവ് ജിഹാദ് ഉള്‍പ്പെടെ രാഷ്ട്രീയത്തിനപ്പുറമുള്ള വര്‍ഗ്ഗീയ ഇടപാടുകള്‍ ഇന്ത്യയിലെമ്പാടും നടന്നു വരികയാണ്. അത് കേരളത്തില്‍ വളരെ കൂടുതലാണ്. കേരളത്തില്‍ മാത്രമല്ല മറ്റ് സംസ്ഥാനങ്ങളിലുമുണ്ട്’എന്നായിരുന്നു വാക്കുകള്‍.
‘ഞാന്‍ സംസാരിക്കുന്നത് കേള്‍ക്കുമ്പോള്‍ ഹിന്ദു വിഭാഗങ്ങളുടെ അടിമത്തം ഏറ്റെടുത്തതായി തോന്നണ്ട. ഞാന്‍ പറയുന്ന കാര്യങ്ങള്‍ കേള്‍ക്കുമ്പോള്‍ നിങ്ങള്‍ക്ക് അല്‍പം ബുദ്ധിമുട്ടാണ്ടായാല്‍ ക്ഷമിക്കണം. ലോകത്തെ ഹെന്ദവ സമൂഹത്തിന്റെ 68% ഇന്ത്യയിലാണ്. ലോകത്തെ മുഴുവന്‍ രാഷ്ട്രങ്ങളും നമുക്കെടുത്ത് നോക്കാം. മുതലാളിത്ത രാഷ്ട്രങ്ങള്‍ ഉണ്ട് ദരിദ്ര രാഷ്ട്രങ്ങള്‍ ഉണ്ട് ഇന്ത്യയെപ്പോലെ മൂന്നാം സ്ഥാനത്ത് നില്‍ക്കുന്ന മൂന്നാം ലോകരാഷ്ട്രങ്ങള്‍ ഉണ്ട്.
എല്ലാ രാജ്യങ്ങളിലും ഒരു മതത്തിന് പ്രാധാന്യം കൊടുക്കുന്നുണ്ട്. അറേബ്യന്‍ രാജ്യങ്ങളില്‍ മുഴുവന്‍ മുസ്ലീം ആണെന്ന് മാത്രമല്ല മുസ്ലീം അല്ലാത്തതൊന്നും ശരിയല്ലെന്ന് വിശ്വസിക്കുന്ന രാഷ്ട്രങ്ങളാണ്. ഫ്രാന്‍സ് മുസ്ലീങ്ങള്‍ കയ്യേറി മുസ്ലീം രാഷ്ട്രമാക്കി മാറ്റിക്കൊണ്ടിരിക്കുകയാണ്. ഇംഗ്ലണ്ടും ക്രൈസ്തവ സമൂഹത്തിന്റെ രാഷ്ട്രമാണെങ്കിലും മുസ്ലീം സമൂഹം കയ്യേറി. ഇന്ത്യയില്‍ എന്താണ് സംഭവിക്കാന്‍ പോകുന്നത്.
ഇന്ത്യയെ 2030ഓടെ മുസ്ലീം രാജ്യമാക്കി മാറ്റണമെന്നുദ്ദേശിച്ച് കേരളത്തില്‍ അവര്‍ പ്രവര്‍ത്തനം നടത്തി വരികയാണ്. പക്ഷെ പ്രധാനമന്ത്രി നോട്ട് നിരോധനം നടപ്പിലാക്കിയതോടെ പുറത്തു നിന്നുള്ള വരുമാനം നിശ്ചലമായ സാഹചര്യത്തില്‍ ആ മേഖലയില്‍ താമസമുണ്ടായി എന്നതാണ് സത്യം. ഇങ്ങനെ ഈ രാജ്യത്തെ ഏതെങ്കിലും ഒരു വിഭാഗത്തിന് വേണ്ടി വിട്ടുകൊടുക്കാന്‍ കഴിയുമോ? ചര്‍ച്ച ചെയ്യപ്പെടേണ്ട പ്രശ്‌നമാണ്. ഇതാരെങ്കിലും പുറത്ത് പറയണ്ടേ. എല്ലാവരും മൂടി മൂടി വച്ചിരിക്കുകയാണ്. എ

Related Articles

Back to top button