ENTERTAINMENTBOLLYWOOD

13ാം ദിവസം ഭര്‍ത്താവിനെ അറസ്റ്റ് ചെയ്യിച്ചു, തൊട്ടടുത്ത ദിവസം പൂനം പാണ്ഡെയും സാം ബോംബെയും വീണ്ടും ഒരുമിച്ചു… എന്തൊക്കെ കാണണമല്ലേ

പൂനം പാണ്ഡെയുടേയും സാം ബോംബെയുടേയും വിവാഹവുമായി ബന്ധപ്പെട്ട വിവാദങ്ങളില്‍ പുതിയ ട്വിസ്റ്റ്. വിവാഹ ശേഷം രണ്ടാഴ്ച പോലും പിന്നിടും മുമ്പ് ഭര്‍ത്താവിനെതിരെ പരാതിയുമായി പൂനം രംഗത്ത് എത്തുകയായിരുന്നു. പിരിയുകയാണെന്നും പൂനം പറഞ്ഞിരുന്നു. എന്നാല്‍ ഇപ്പോഴിതാ രണ്ടു പേരും വീണ്ടും ഒരുമിച്ചതായി അറിയിച്ചിരിക്കുകയാണ്. പൂനവുമൊത്തുള്ള ഒരു ചിത്രം സാം പങ്കുവച്ചതോടെയാണ് ഇരുവരും വീണ്ടും ഒന്നായെന്ന സംശയം ആരാധകര്‍ക്കിടയില്‍ ഉയര്‍ന്നത്. പിന്നാലെ തങ്ങള്‍ വീണ്ടും ഒരുമിച്ചതായി ഇരുവരും അറിയിക്കുകയായിരുന്നു.
ഗോവയിലാണ് സാമും പൂനവും ഇപ്പോള്‍ ഉളളത്. തങ്ങള്‍ക്കിടയിലെ പ്രശ്‌നങ്ങള്‍ പരിഹരിച്ചെന്നും വീണ്ടും ഒരുമിച്ചെന്നും രണ്ടു പേരും പറഞ്ഞു. കാര്യങ്ങള്‍ പ്രതീക്ഷിച്ചതിന് വിപരീതമായാണ് സംഭവിച്ചത്. എന്നാല്‍ എല്ലാം പരിഹരിച്ചെന്ന് രണ്ടു പേരും പറഞ്ഞു.
ഞങ്ങള്‍ രണ്ടു പേരും പരസ്പരം ഭ്രാന്തമായി സ്‌നേഹിക്കുന്നു. ഏത് ബന്ധത്തിലാണ് പ്രശ്‌നങ്ങളില്ലാത്തതെന്നും പൂനം ചോദിക്കുന്നു. കുടുംബങ്ങള്‍ ഇടപെട്ടെങ്കിലും പ്രശ്‌നം തങ്ങള്‍ തന്നെയാണ് പരിഹരിച്ചതെന്നും പൂനം പറഞ്ഞു. അതീയായ സന്തോഷമുണ്ടെന്നും പൂനം പറഞ്ഞു.
ഉടനെ തന്നെ മുംബൈയിലേക്ക് മടങ്ങിയെത്തുമെന്നും രണ്ടു പേരും പറഞ്ഞു. അതേസമയം വിവാദങ്ങള്‍ക്ക് പിന്നില്‍ പൂനം ബിഗ് ബോസ് 14 ലേക്ക് വരുന്നതാണോ എന്നതിനും പൂനം മറുപടി. താന്‍ ബിഗ് ബോസിലേക്ക് ഇല്ലെന്നും താന്‍ ബിഗ് ബോസിലേക്ക് വരാന്‍ മാത്രം വലുതല്ലെന്നുമായിരുന്നു പൂനം നല്‍കിയ മറുപടി.
ഗോവയിലെ ഹോട്ടലില്‍ വച്ച് സാം തന്നെ മര്‍ദ്ദിച്ചെന്നായിരുന്നു പൂനത്തിന്റെ പരാതി. ഇതേ തുടര്‍ന്ന് സാമിനെ പോലീസ് അറസ്റ്റ് ചെയ്തിരുന്നു. മൂന്ന് വര്‍ഷത്തെ പ്രണയത്തിനൊടുവിലായിരുന്നു ഇരുവരും വിവാഹം കഴിച്ചത്.

Related Articles

Back to top button