KERALALATESTPOLITICS

കള്ളപ്പണമിടപ്പാട്; താന്‍ ഉന്നയിച്ച സത്യം പുറത്ത് വരുമെന്ന് ഉറപ്പായപ്പോള്‍ എന്നെ കുടുക്കാന്‍ സിപിഎം കരുക്കള്‍ നീക്കിയതെന്ന് പി.ടി.തോമസ് എംഎല്‍എ

കൊച്ചി : മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിനെ പരിചയപ്പെട്ടത് മുഖ്യമന്ത്രിയുടെ വസതിയില്‍ നടന്ന സ്വകാര്യ കൂടിക്കാഴ്ചയിലെന്ന് സ്വര്‍ണക്കടത്ത് കേസ് പ്രതി സ്വപ്ന സുരേഷിന്റെ മൊഴി പുറത്തുവന്നതോടെ പ്രതികരണവുമായി പി.ടി.തോമസ് എംഎല്‍എ.

താന്‍ ഉന്നയിച്ച സത്യം പുറത്ത് വരുമെന്ന് ഉറപ്പായപ്പോള്‍ തന്നെ നിശബ്ദനാക്കാമെന്ന മോഹത്തില്‍ നിന്നാണ് ഇടപ്പള്ളിയില്‍ കമ്മ്യൂണിസ്റ്റ് കുടുംബത്തെ സഹായിക്കാന്‍ ശ്രമിച്ച എന്നെ കുടുക്കാന്‍ സിപിഎം കരുക്കള്‍ നീക്കിയതെന്ന് ഇപ്പോള്‍ പതുക്കെ തെളിഞ്ഞു വരുകയാണെന്ന് പി.ടി.തോമസ് പറഞ്ഞു.

സ്വപ്ന സുരേഷിന്റെ മൊഴിയില്‍ മുഖ്യമന്ത്രിയുടെ വസതിയില്‍ പോയിട്ടുണ്ടെന്ന വസ്തുത പുറത്ത് വന്നതും ഇതുമായി കൂടി വായിക്കാന്‍ തോന്നുന്നെന്നും അദ്ദേഹം പറഞ്ഞു. സ്വപ്ന ക്ലിഫ് ഹൗസില്‍ വന്നിട്ടുണ്ടോയെന്ന് പരിശോധിക്കണമെന്ന് വിവാദം ഉയര്‍ന്ന സമയത്ത് തന്നെ പി.ടി തോമസ് ആവശ്യപ്പെട്ടിരുന്നു.

സ്വര്‍ണപാത്രം കൊണ്ട് മൂടിയാലും കൃത്രിമ ഇടിമിന്നല്‍ സൃഷ്ടിച്ചാലും സത്യം പുറത്തു വരും. സത്യം മറച്ചു പിടിക്കുന്നത് മുഖ്യമന്ത്രിക്ക് ആണെങ്കിലും ഭൂഷണമല്ല. അന്തിമപോരാട്ടത്തിന് തയാറെടുക്കേണ്ടിയിരിക്കുന്നു. കേരളത്തെ കൊള്ളയടിക്കാന്‍ സംഘടിതമായി ശ്രമിച്ച വലിയൊരു മാഫിയ സംഘത്തെ നിയമത്തിന് മുന്നില്‍ കൊണ്ടുവരുന്നതുവരെ വിശ്രമിക്കാന്‍ സമയം ഇല്ല. പോരാട്ടം തുടരാമെന്നും അദ്ദേഹം പറഞ്ഞു.

Related Articles

Back to top button