BREAKING NEWSLATESTNATIONAL

ഇന്ത്യന്‍ കാര്‍ഷികമേഖലയെ തകര്‍ക്കാന്‍ വേണ്ടി ഉണ്ടാക്കിയതാണ് കാര്‍ഷിക നിയമങ്ങള്‍: രാഹുല്‍

ന്യൂഡല്‍ഹി: ഇന്ത്യന്‍ കാര്‍ഷിക മേഖലയെ തകര്‍ക്കാന്‍ രൂപവത്കരിച്ചവയാണ് പുതിയ കാര്‍ഷിക നിയമങ്ങളെന്ന് കോണ്‍ഗ്രസ് നേതാവ് രാഹുല്‍ ഗാന്ധി. രാജ്യത്ത കര്‍ഷകരുടെ ദുരിതാവസ്ഥ പരാമര്‍ശിക്കുന്ന ‘ഖേതി കാ ഖൂന്‍’ എന്ന ലഘുപുസ്തകം ഡല്‍ഹിയിലെ കോണ്‍ഗ്രസ് ആസ്ഥാനത്ത് പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
കേന്ദ്രം കാര്‍ഷിക നിയമങ്ങളെ കുറിച്ച് രാജ്യത്തെ തെറ്റിദ്ധരിപ്പിക്കുകയാണെന്നും രാഹുല്‍ ആരോപിച്ചു. ഒരു ദുരന്തം ചുരുളഴിഞ്ഞു കൊണ്ടിരിക്കുകയാണെന്നും കര്‍ഷക പ്രതിഷേധത്തെ പരാമര്‍ശിച്ച് അദ്ദേഹം കൂട്ടിച്ചേര്‍ത്തു. തന്റെ പോരാട്ടം കര്‍ഷകര്‍ക്കു വേണ്ടി മാത്രമുള്ളതല്ലെന്നും രാജ്യത്തിന്റെ ഭാവിയായ യുവാക്കള്‍ക്കു കൂടിയുള്ളതാണെന്നും രാഹുല്‍ പറഞ്ഞു.
രാജ്യത്ത് ഒരു ദുരന്തം ചുരുളഴിഞ്ഞു കൊണ്ടിരിക്കുകയാണ്. സര്‍ക്കാര്‍ വിഷയത്തെ അവഗണിക്കാനും രാജ്യത്തെ തെറ്റിദ്ധരിപ്പിക്കാനും ശ്രമിക്കുകയാണ്. ദുരന്തത്തിന്റെ ഒരു ഭാഗമെന്ന നിലയില്‍ കര്‍ഷകര്‍ക്കു വേണ്ടി മാത്രമല്ല താന്‍ സംസാരിക്കുന്നത്. ഇത് യുവാക്കള്‍ക്കും പ്രധാനപ്പെട്ടതാണ്. ഇത് ഇന്നിനെ കുറിച്ചുള്ളതല്ല, നിങ്ങളുടെ ഭാവിയെ കുറിച്ചുള്ളതാണ് രാഹുല്‍ പറഞ്ഞു.
താന്‍ കര്‍ഷകരെ പിന്തുണയ്ക്കുന്നു. നമുക്കു വേണ്ടി പോരാടുന്നതിനാല്‍ ഒരോരുത്തരും കര്‍ഷകരെ പിന്തുണയ്ക്കണമെന്നും രാഹുല്‍ കൂട്ടിച്ചേര്‍ത്തു. സര്‍ക്കാര്‍ കാര്‍ഷിക നിയമങ്ങള്‍ പിന്‍വലിക്കുക എന്ന ഒരേയൊരു പരിഹാരം മാത്രമാണ് വിഷയത്തിനുള്ളതെന്നും അദ്ദേഹം കൂട്ടിച്ചേര്‍ത്തു.

Related Articles

Back to top button