തിരുവവന്തപുരം: സംസ്ഥാനത്ത് കനത്ത മഴ തുടരുമെന്ന് കേന്ദ്ര കാലാവസ്ഥാ റിപ്പോര്ട്ട്. മലപ്പുറം മുതല് കാസര്കോട് വരെയുള്ള ജില്ലകളില് ഇന്ന് ഓറഞ്ച് അലര്ട്ട് ആണ് പ്രഖ്യാപിച്ചിട്ടുള്ളത്. തിരുവനന്തപുരം, കൊല്ലം ഒഴികെയുള്ള മറ്റ് ജില്ലകളില് ഇന്ന് യെല്ലോ അലര്ട്ട് ഉണ്ട്. മലയോരമേഖലകളില് ജാഗ്രത വേണമെന്നും കേരളാ തീരത്ത് ഉയര്ന്ന തിരമാലകള്ക്ക് സാധ്യത ഉണ്ടെന്നും അധികൃതര് മുന്നറിയിപ്പ് നല്കി. മത്സ്യബന്ധനത്തിനുള്ള വിലക്ക് തുടരുകയാണ്. തെക്കന് ഛത്തീസ്ഗഡിനും വിദര്ഭക്കും മുകളിലായി ന്യൂനമര്ദ്ദം സ്ഥിതിചെയ്യുന്നുണ്ട്. വടക്കന് കേരള തീരം മുതല് തെക്കന് ഗുജറാത്ത്തീരം വരെ ന്യൂനമര്ദ്ദ പാത്തി നിലനില്ക്കുന്നുണ്ട്. വടക്ക് പടിഞ്ഞാറന് ബംഗാള് ഉള്ക്കടലില് മറ്റന്നാള് മറ്റൊരു ന്യൂനമര്ദ്ദം രൂപപ്പെട്ടേക്കും.
Follow Us
