BREAKING NEWSKERALALATESTNEWSPOLITICS

ഐടി വകുപ്പില്‍ അനധികൃത നിയമനങ്ങള്‍, അമേരിക്കന്‍ പൗരത്വമുള്ള യുവതിക്ക് ജോലി നല്‍കി: ചെന്നിത്തല

സ്വര്‍ണക്കടത്ത് കേസില്‍ മുഖ്യമന്ത്രി പ്രധാനമന്ത്രിക്ക് കത്തെഴുതിയത് കണ്ണില്‍ പൊടിയിടാനെന്ന് പ്രതിപക്ഷ നേതാവ് രമേശ് ചെന്നിത്തല. ക്യാബിനറ്റ് കൂടി സിബിഐ അന്വേഷണം ആവശ്യപ്പെടാന്‍ മുഖ്യമന്ത്രിയെ വെല്ലുവിളിക്കുന്നു. സ്പീക്കര്‍ ഔദ്യോഗിക പദവി ദുരുപയോഗം ചെയ്ത് ഉദ്ഘാടന ചടങ്ങില്‍ പങ്കെടുത്തുവെന്നും ചെന്നിത്തല ആരോപിച്ചു. മുഖ്യമന്ത്രിയുടെ രാജി ആവശ്യപ്പെട്ട് യുഡിഎഫ് സംസ്ഥാന വ്യാപകമായി സംഘടിപ്പിക്കുന്ന ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മുഖ്യമന്ത്രി പച്ച നുണ പറയുകയാണ്. ഐടി വകുപ്പില്‍ 100 കണക്കിന് അനധികൃത അനധികൃത നിയമനങ്ങള്‍ നടന്നു. അമേരിക്കന്‍ പൌരത്വമുള്ള യുവതിക്ക് ഐടി മിഷനിന്‍ ജോലി ചെയ്യുന്നു. നിരവധി പിന്‍വാതില്‍ നിയമനങ്ങള്‍ നടന്നു. ശിവശങ്കരന്‍ ഐടി സെക്രട്ടറി ആയിരുന്ന കാലത്തെ നിയമനങ്ങള്‍ അന്വേഷിക്കണമെന്നും ചെന്നിത്തല ആവശ്യപ്പെട്ടു.

ശിവശങ്കറിനെ മാറ്റിയത് കൊണ്ട് കാര്യമില്ല. ശിവശങ്കറിനെ അറസ്റ്റ് ചെയ്യണം. മുഖ്യമന്ത്രി രാജിവെക്കണമെന്നും ചെന്നിത്തല ആവശ്യപ്പെട്ടു.

 

Related Articles

Back to top button