LATESTNATIONAL

രഹസ്യ ബന്ധം ഭര്‍ത്താവ് പൊക്കിയപ്പോള്‍ കാമുകനെ പീഡകനാക്കി യുവതിയുടെ നാടകം

ഗ്രേറ്റര്‍ നോയിഡ: ജൂവാറിലെ ജഹാംഗീര്‍പൂര്‍ പ്രദേശത്ത് വീട്ടുടമയുടെ ഭാര്യയെ വാടകയ്ക്കു താമസിക്കുന്ന യുവാവ് ബലാത്സംഗം ചെയ്‌തെന്ന് പരാതി. സംഭവവുമായി ബന്ധപ്പെട്ട് 23 വയസുള്ള വിശാല്‍ എന്ന കെട്ടിട നിര്‍മ്മാണ തൊഴിളിയെ പൊലീസ് അറസ്റ്റ് ചെയ്തു.ചായയില്‍ ലഹരിവസ്തു കലര്‍ത്തി നല്‍കി ബോധം കെടുത്തിയ ശേഷം ബലാത്സംഗം ചെയ്‌തെന്നാണ് യുവതി ആരോപിക്കുന്നത്. എന്നാല്‍ പരാതി ദുരൂഹമാണെന്നും യുവതിക്ക് ഈ യുവാവുമായി രഹസ്യ ബന്ധമുണ്ടായിരുന്നെന്നും അന്വേഷണത്തില്‍ കണ്ടെത്തിയതായി പൊലീസ് പറയുന്നു.
യുവതിയുടെ ഉടമസ്ഥതയിലുള്ള വീട്ടിലാണ് വിശാലും വാടകയ്ക്ക് താമസിച്ചിരുന്നത്. സംഭവം നടക്കുമ്പോള്‍ ഭര്‍ത്താവ് വീട്ടില്‍ ഉണ്ടായിരുന്നില്ലെന്നും ലോക് ഡൗണ്‍ ആയതിനാല്‍ ഏപ്രില്‍ മുതല്‍ അദ്ദേഹം രാജസ്ഥാനിലാണെന്നും യുവതി പരാതിയില്‍ പറയുന്നു. വീട്ടു വാടക നല്‍കാനെന്ന വ്യാജേന എത്തിയ യുവാവ് ചായയില്‍ മയക്ക് മരുന്ന് കലര്‍ത്തി നല്‍കി തന്റെ ബോധംകെടുത്തിയെന്നാണ് ഇവര്‍ ആരോപിക്കുന്നത്.
‘ചായ കുടിച്ച ശേഷം എനിക്ക് തലകറക്കം അനുഭവപ്പെട്ടു. ഉടന്‍ അയാള്‍ എന്റെ വസ്ത്രങ്ങള്‍ അഴിച്ചുമാറ്റാന്‍ ശ്രമിച്ചു. ഞാന്‍ എതിര്‍ത്തപ്പോള്‍ എന്നെ തല്ലുകയും എന്നെയും എന്റെ രണ്ട് മക്കളെയും കൊല്ലുമെന്ന് ഭീഷണിപ്പെടുത്തുകയും ചെയ്തു,’ യുവതി പരാതിയില്‍ പറയുന്നു.
യുവതിയുടെ പരാതിയില്‍ യുവാവിനെതിരെ ബലാത്സംഗം, ഭീഷണിപ്പെടുത്തല്‍ എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്.ഇതിനിടെ പൊലീസ് നടത്തിയ അന്വേഷണത്തിലാണ് പരാതിയില്‍ പരാതിയില്‍ കഴമ്പില്ലെന്നു വ്യക്തമായത്. യുവതിക്ക് വിശാലുമായി രഹസ്യ ബന്ധമുണ്ടായിരുന്നെന്നാണ് പൊലീസ് കണ്ടെത്തിയിരിക്കുന്നത്. ഭാര്യയുടെ രഹസ്യ ബന്ധം ഭര്‍ത്താവും അറിഞ്ഞു.
ഇതേത്തുടര്‍ന്ന് ഏതാനും ദിവസങ്ങള്‍ക്ക് മുന്‍പ് ഭര്‍ത്താവ് യുവതിയെ ഉപേക്ഷിച്ചെന്നും പൊലീസ് പറയുന്നു. അതേസമയം യുവതിയുടെ പരാതിയില്‍ ബലാത്സംഗ കുറ്റത്തിന് അറസ്റ്റിലായ യുവാവിനെ കോടതി റിമാന്‍ഡ് ചെയ്തു.

Related Articles

Back to top button