KERALALATEST

കോവിഡ് നെഗറ്റീവ് സര്‍ട്ടിഫിക്കറ്റിനായെത്തിയ യുവതിയെ ഹെല്‍ത്ത് ഇന്‍സ്‌പെക്ടര്‍ പീഡിപ്പിച്ചെന്ന് പരാതി

വെള്ളറട (തിരുവനന്തപുരം) : കോവിഡ് നിരീക്ഷണകാലാവധി പൂര്‍ത്തിയാക്കിയെന്ന സര്‍ട്ടിഫിക്കറ്റിന് എത്തിയ സ്ത്രീയെ ആരോഗ്യ പ്രവര്‍ത്തകന്‍ പീഡിപ്പിച്ചതായി പരാതി. കുളത്തുപുഴ കല്ലുവെട്ടി സ്വദേശിനിയാണ് ഭരതന്നൂര്‍ പി.എച്ച്.സി.യിലെ ആരോഗ്യ പ്രവര്‍ത്തകന്‍ പ്രദീപിനെതിരേ പരാതി നല്‍കിയത്. ഇയാളെ പോലീസ് കസ്റ്റഡിയില്‍ എടുത്തതായാണ് സൂചന.
കഴിഞ്ഞ മൂന്നിനാണ് സംഭവം. മലപ്പുറം ജില്ലയില്‍ ഹോം നഴ്‌സായി ജോലിചെയ്യുകയായിരുന്ന ഇവര്‍ അടുത്തിടെ കല്ലറ പാങ്ങോട്ടെ വീട്ടില്‍ കോവിഡ് നിരീക്ഷണത്തിലായിരുന്നു. നിരീക്ഷണ കാലാവധി പൂര്‍ത്തിയായതിനെത്തുടര്‍ന്ന് കോവിഡില്ലാ സര്‍ട്ടിഫിക്കറ്റിനായി ആരോഗ്യപ്രവര്‍ത്തകനെ സമീപിച്ചു. സര്‍ട്ടിഫിക്കറ്റ് നല്‍കാമെന്നുപറഞ്ഞ് ഇയാള്‍ സ്ത്രീയെ തന്റെ വീട്ടിലേക്കു വിളിച്ചുവരുത്തുകയും അവിടെവെച്ച് പീഡിപ്പിക്കുകയായിരുന്നുവെന്നുമാണ് പരാതി.
കഴിഞ്ഞദിവസം കത്തിപ്പാറ കളത്തൂരിനു സമീപമുള്ള സുഹൃത്തിന്റെ വീട്ടിലെത്തിയ യുവതി വെള്ളറട പോലീസില്‍ പരാതി നല്‍കുകയായിരുന്നു. ഇവരുടെ മൊഴി രേഖപ്പെടുത്തിയതായും സംഭവം നടന്നത് പാങ്ങോട് പോലീസ് സ്റ്റേഷന്‍ പരിധിയിലായതിനാല്‍ പരാതി അങ്ങോട്ട് കൈമാറിയതായും വെള്ളറട പോലീസ് അറിയിച്ചു.

Related Articles

Back to top button

Adblock Detected

Please consider supporting us by disabling your ad blocker