BREAKING NEWSKERALA

സി.എം രവീന്ദ്രന് പത്തിലേറെ സ്ഥാപനങ്ങളില്‍ ഓഹരിയുണ്ടെന്ന് ഇ.ഡി

തിരുവനന്തപുരം: മുഖ്യമന്ത്രിയുടെ അഡീഷനല്‍ പ്രൈവറ്റ് സെക്രട്ടറി സി.എം. രവീന്ദ്രന് കോഴിക്കോട്, കണ്ണൂര്‍ ജില്ലകളിലായി പത്തിലധികം സ്ഥാപനങ്ങളില്‍ ഓഹരിയുണ്ടെന്ന വാദവുമായി എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി) രംഗത്ത് എത്തിയിരിക്കുന്നു. കഴിഞ്ഞദിവസങ്ങളില്‍ വിവിധയിടങ്ങളില്‍ നടത്തിയ പ്രാഥമിക പരിശോധനയില്‍ ഇതുസംബന്ധിച്ച വിവരങ്ങള്‍ ലഭിക്കുകയുണ്ടായി എന്ന് അറിയിച്ചു. കോഴിക്കോട് സബ് സോണല്‍ ഉദ്യോഗസ്ഥര്‍ ഉടന്‍തന്നെ ഈ റിപ്പോര്‍ട്ട് കൊച്ചി യൂനിറ്റിന് കൈമാറുമെന്നാണ് വിവരം ലഭിച്ചിരിക്കുന്നത്.
രവീന്ദ്രന് പങ്കാളിത്തമുണ്ടെന്ന് പരാതി ഉയര്‍ന്ന വടകര, ഓര്‍ക്കാട്ടേരി, തലശ്ശേരി, കണ്ണൂര്‍ എന്നിവിടങ്ങളിലെ 24 സ്ഥാപനങ്ങളിലാണ് ഇ.ഡി പരിശോധന നടത്തിയത്. ഇതില്‍ 12 എണ്ണത്തില്‍ രവീന്ദ്രനോ അദ്ദേഹത്തിന്റെ ബന്ധുക്കള്‍ക്കോ ഓഹരിയുണ്ടെന്നാണ് ഇ.ഡിയുടെ പ്രാഥമിക നിഗമനം ഉള്ളത്. ഇലക്ട്രോണിക്‌സ് സ്ഥാപനം, മൊബൈല്‍ കട, സൂപ്പര്‍ മാര്‍ക്കറ്റ്, ടൂറിസ്റ്റ് ഹോം, വസ്ത്രവില്‍പന കേന്ദ്രം തുടങ്ങിയ ഇടങ്ങളിലാണ് പങ്കാളിത്തം കണ്ടെത്തിയിരിക്കുന്നത്. രവീന്ദ്രനെ ചോദ്യംചെയ്ത ശേഷമായിരിക്കും ഇതിന്റെ രേഖകളും കൂടുതല്‍ പരിശോധനകളും നടത്തുന്നതാണ്.
ചോദ്യം ചെയ്യലിന് ഹാജരാകാന്‍ ഇ.ഡി രവീന്ദ്രന് വീണ്ടും നോട്ടീസ് നല്‍കുമെന്നാണ് അറിഞ്ഞിരിക്കുന്നത്. അതിനു മുമ്പ് രവീന്ദ്രന്റെ ഇടപാടുകളില്‍ വിവരം ശേഖരിക്കുകയാണ്. അതിന്റെ ഭാഗമായാണ് ഊരാളുങ്കല്‍ സര്‍വിസ് സൊസൈറ്റിയില്‍നിന്നും വിശദാംശങ്ങള്‍ തേടിയത്.

Related Articles

Back to top button