LATESTKERALA

ബിജെപിയുടെ ഏക സിറ്റിങ് സീറ്റില്‍ എസ് സുരേഷ് തോറ്റു

തിരുവനനന്തപുരം: തിരുവനന്തപുരം ജില്ലാ പഞ്ചായത്ത് തിരഞ്ഞെടുപ്പില്‍ ബിജെപി സംസ്ഥാന സെക്രട്ടറി എസ്.സുരേഷിന് പരാജയം. ബിജെപിയുടെ സിറ്റിങ് സീറ്റായ വെങ്ങാനൂര്‍ ഡിവിഷനിലേക്ക് നടന്ന തിരഞ്ഞെടുപ്പില്‍ എല്‍ഡിഎഫ് സ്ഥനാര്‍ഥി എല്‍ജെഡിയുടെ ഭഗത് റൂഫസാണ് വിജയിച്ചത്. രണ്ടായിരത്തിലധികം വോട്ടുകള്‍ക്കാണ് ബിജെപി ജില്ലാ സെക്രട്ടറി കൂടിയായ സുരേഷ് പരാജയപ്പെട്ടത്. ഇവിടെ കോണ്‍ഗ്രസ് സ്ഥാനാര്‍ഥിയായ എസ്.ഉദയകുമാര്‍ മൂന്നാം സ്ഥാനത്തേക്ക് തള്ളപ്പെട്ടു.
തിരുവനന്തപുരം ജില്ലാ പഞ്ചായത്തില്‍ ബിജെപിക്കുണ്ടായ ഏക സിറ്റിങ് സീറ്റായിരുന്നു വെങ്ങാനൂര്‍ ഡിവിഷന്‍. 2010ലും സുരേഷ് ഇതേ വാര്‍ഡില്‍ മത്സരിക്കുകയും പരാജയപ്പെടുകയും ചെയ്തിരുന്നു.
തിരുവനന്തപുരം ജില്ലാ പഞ്ചായത്തില്‍ നിലവില്‍ എല്‍ഡിഎഫ് 20 ഡിവിഷനുകളില്‍ മുന്നേറുന്നുണ്ട്. യുഡിഎഫിന് ആറു ഡിവിഷനുകളാണ് ലഭിച്ചത്.

Related Articles

Back to top button

Adblock Detected

Please consider supporting us by disabling your ad blocker