LATESTCRICKETSPORTS

സാരി, ക്രിക്കറ്റ് ബാറ്റ്, ആഭരണങ്ങള്‍; സഞ്ജിദ ഇസ്ലാമിന്റെ വിവാഹ ഫോട്ടോഷൂട്ട് ആഗോള വൈറല്‍

വിവാഹത്തിന് ഇപ്പോള്‍ ഒഴിച്ചുകൂടാനാകാത്ത ആചാരമായി മാറിയിരിക്കുകയാണ് ഫോട്ടോ ഷൂട്ട്. പ്രീ വെഡ്ഡിംഗ് ഫോട്ടോഷൂട്ടും പോസ്റ്റ് വെഡ്ഡിംഗ് ഫോട്ടോ ഷൂട്ടുകളും വൈറലാകുന്നതിന് വേണ്ടി വ്യത്യസ്തത തിരയുകയാണ് നവമിഥുനങ്ങള്‍. പലപ്പോഴും ഇത്തരം ചിത്രങ്ങള്‍ സമൂഹ മാധ്യമങ്ങളില്‍ വന്‍ വിമര്‍ശനങ്ങളും ഏറ്റുവാങ്ങാറുണ്ട്. എന്നാലിപ്പോള്‍ രാജ്യാന്തര പ്രശംസ ഏറ്റുവാങ്ങുകയാണ് ഒരു യുവതിയുടെ വിവാഹ ഫോട്ടോകള്‍. മറ്റാരുമല്ല അത്. ബംഗ്ലാദേശ് ക്രിക്കറ്റ് താരം സഞ്ജിദ ഇസ്ലാമിന്റെ ഫോട്ടോകള്‍ സൈബര്‍ ലോകം ആഘോഷമാക്കുകയാണ്.
ഇരുപത്തിനാലുകാരിയായ ക്രിക്കറ്റ് താരത്തിന്റെ വിവാഹവസ്ത്രം ധരിച്ച് ബാറ്റ് ധരിച്ച് നിരവധി ചിത്രങ്ങള്‍ സോഷ്യല്‍ മീഡിയയില്‍ വൈറലായി. അതുല്യമായ ആശയത്തിന് പലരും അവളെ അഭിനന്ദിച്ചു. രംഗ്പൂരിലെ ഫസ്റ്റ് ക്ലാസ് ക്രിക്കറ്റ് താരം മിം മൊസാദീക്കിനെയാണ് ഇസ്ലാം വിവാഹം കഴിച്ചത്. അദ്ദേഹം തന്നെയാണ് തന്റെ ഔദ്യോഗിക ഇന്‍സ്റ്റാഗ്രാം ഹാന്‍ഡില്‍ നിന്ന് ചിത്രങ്ങള്‍ പങ്കിട്ടിരിക്കുന്നത്. ഓറഞ്ച് നിറത്തിലുള്ള സാരിയാണ് സഞ്ജിതയുടെ വേഷം. ധാരാളം ആഭരണങ്ങളും ധരിച്ചിട്ടുണ്ട്. ഈ വേഷത്തിലാണ് ഗ്രൗണ്ടില്‍ ബാറ്റുമായി നിന്ന് സഞ്ജിത പന്തുകളെ നേരിടുന്നത്. ചിത്രങ്ങള്‍ വൈറലാകാനും അന്താരാഷ്ട്ര ക്രിക്കറ്റ് കൗണ്‍സില്‍ ഉള്‍പ്പെടെ പലരും പങ്കിടാനും കൂടുതല്‍ സമയമെടുത്തില്ല. ‘ക്രിക്കറ്റ് കളിക്കാര്‍ക്കുള്ള വിവാഹ ഫോട്ടോഷൂട്ടുകള്‍ ഇങ്ങനെയായിരിക്കും…’ ചിത്രങ്ങള്‍ വീണ്ടും ട്വീറ്റ് ചെയ്യുന്നതിനിടെ ഐസിസി ട്വീറ്റ് ചെയ്തു. നിരവധി ക്രിക്കറ്റ് ആരാധകരും സോഷ്യല്‍ മീഡിയയില്‍ താരത്തെ പ്രശംസിക്കുകയും അവളുടെ വിവാഹത്തിന് ആശംസകള്‍ അറിയിക്കുകയും ചെയ്തു. ഫോട്ടോഷൂട്ടിലും പ്രകടമാകുന്നത് ഇസ്ലാമിന്റെ ക്രിക്കറ്റിനോടുള്ള സ്‌നേഹമാണെന്ന് ചിലര്‍ അഭിപ്രായപ്പെട്ടു.
2012 ഓഗസ്റ്റില്‍ നടന്ന ടി 20 മത്സരത്തില്‍ അയര്‍ലന്‍ഡിനെതിരെയാണ് സഞ്ജിദ അന്താരാഷ്ട്ര അരങ്ങേറ്റം കുറിച്ചത്. 2018 ജൂണില്‍ ബംഗ്ലാദേശിന്റെ ആദ്യ വനിതാ ഏഷ്യാ കപ്പ് കിരീടം നേടിയ ബംഗ്ലാദേശിന്റെ ടീമില്‍ അംഗമായിരുന്നു. വലംകൈയ്യന്‍ ബാറ്റ്‌സ് വുമണ്‍ ബംഗ്ലാദേശിനായി എട്ട് വര്‍ഷത്തെ അന്താരാഷ്ട്ര കരിയറില്‍ ഇതുവരെ 16 ഏകദിനങ്ങളും 54 ടി 20 യും കളിച്ചിട്ടുണ്ട്. ഏകദിനത്തില്‍ 174 റണ്‍സും ടി 20 യില്‍ 520 റണ്‍സും നേടിയിട്ടുണ്ട്. ബംഗ്ലാദേശ് ദേശീയ വനിതാ ക്രക്കറ്റ് ടീമംഗമാണ് സഞ്ജിദ ഇസ്ലാം. എട്ടു വര്‍ഷത്തെ അന്താരാഷ്ട്ര കരിയറില്‍ 16 ഏകദിനങ്ങളും 54 ടി 20 കളികളും കളിച്ച സഞ്ജിദ ഇസ്ലാം ബംഗ്ലാദേശിന്റെ മധ്യനിര താരമാണ്. 1996 ഏപ്രില്‍ ഒന്നിനാണ് സഞ്ജിദ ഇസ്ലാം ജനിച്ചത്. രംഗ്പൂരില്‍ ജനിച്ച സഞ്ജിദ ഇസ്ലാം സ്വന്തം നാട്ടില്‍ കളിച്ചില്ല, പകരം 13മത്തെ വയസ്സില്‍ 2009 ല്‍ ചിറ്റഗോംഗിനായി ആഭ്യന്തര ലീഗുകളില്‍ കളിച്ചു. 2012 ല്‍ രംഗ്പൂരിലേക്ക് മടങ്ങുന്നതിന് മുമ്പായി 2010 ല്‍ ധാക്കയിലേക്ക് താമസം മാറിയ അവര്‍ ദേശീയ ടീമിലേക്ക് തിരഞ്ഞെടുക്കപ്പെടാന്‍ തക്ക കഴിവ് പ്രകടിപ്പിച്ചിരുന്നു. 2019 ല്‍ സ്‌കോട്ട്‌ലന്‍ഡില്‍ 60 പന്തില്‍ നിന്ന് പുറത്താകാതെ 71 റണ്‍സ് നേടി ടീമിനെ ടി 20 ലോകകപ്പ് യോഗ്യത നേടാന്‍ സഹായിച്ചത് സഞ്ജിദയാണ്.

Related Articles

Back to top button