BOLLYWOODENTERTAINMENT

സഞ്ജയ് ദത്തിന് ശ്വാസകോശ അര്‍ബുദം; ചികിത്സക്കായി അമേരിക്കയിലേക്ക്

മുംബൈ: ബോളിവുഡ് സൂപ്പര്‍താരം സഞ്ജയ് ദത്തിന് ശ്വാസകോശ അര്‍ബുദം സ്ഥിരീകരിച്ചു. അര്‍ബുദം സ്റ്റേജ് മൂന്നില്‍ എത്തിയതായും ചികിത്സയ്ക്കായി അദ്ദേഹം അമേരിക്കയിലേക്ക് പോകുമെന്നുമാണ് റിപ്പോര്‍ട്ട്.
61 കാരനായ താരം ചികിത്സക്കായി അടുത്ത ദിവസം തന്നെ അമേരിക്കയിലേക്ക് പറക്കുമെന്നാണ് റിപ്പോര്‍ട്ട്. അദ്യയായാന്‍ സുമന്‍ ആണ് ഇക്കാര്യം ട്വീറ്റ് ചെയ്തത്.
ട്വീറ്റ് ഇങ്ങനെ,
സഞ്ജു സറിന് ശ്വാസകോശ അര്‍ബുദമാണെന്ന് കണ്ടെത്തി. പെട്ടന്ന് തന്നെ സുഖം പ്രാപിക്കട്ടെ. ഈ വര്‍ഷം എന്താണ് ഇങ്ങനെ
സിനിമയില്‍ നിന്ന് കുറച്ചുകാലം വിട്ടുനില്‍ക്കുകയാണെന്ന് താരവും ട്വീറ്റ് ചെയ്തിരുന്നു. അതിന് പിന്നാലെയാണ് അര്‍ബുദമാണെന്ന വാര്‍ത്തകള്‍ പുറത്തുവന്നിരിക്കുന്നത്. ആരോഗ്യസംബന്ധമായ ചില കാരണങ്ങളാലാണ് താന്‍ സിനിമയില്‍ നിന്നും ചെറിയ ഇടവേള എടുക്കുന്നതെന്ന് സഞ്ജയ് ദത്ത് പറഞ്ഞു.
‘ ചികിത്സയുടെ ഭാഗമായി ജോലിയില്‍ നിന്നും ചെറിയ ഇടവേള എടുക്കുകയാണ്. കുടുംബവും സുഹൃത്തുക്കളും എന്നോടൊപ്പമുണ്ട്. അനാവശ്യ ഊഹാപോഹങ്ങള്‍ കാരണം എന്നെ പിന്തുണക്കുന്നവരാരും പരിഭ്രമിക്കരുത്. നിങ്ങളുടെ സ്‌നേഹവും അനുഗ്രഹവും ഉണ്ടാകണം. ഞാന്‍ ഉടന്‍ തന്നെ തിരിച്ചുവരും’. സഞ്ജയ് ദത്തിന്റെ ട്വീറ്റ്.
കടുത്ത ശ്വാസതടസവും നെഞ്ചു വേദനയേയും തുടര്‍ന്ന് ദത്തിനെ ഓഗസ്റ്റ് എട്ടിന് മുംബൈ ലീലാവതി ആശുപത്രിയില്‍ പ്രവേശിപ്പിച്ചിരുന്നു. പിന്നാലെ നടത്തിയ കൊവിഡ് പരിശോധന നടത്തിയിരുന്നുവെങ്കിലും നെഗറ്റീവ് ആയിരുന്നു ഫലം. തിങ്കളാഴ്ച അദ്ദേഹം ആശുപത്രിയില്‍ നിന്നും തിരികെ എത്തുകയും വീട്ടില്‍ വിശ്രമത്തില്‍ കഴിയുകയുമായിരുന്നു.

Related Articles

Back to top button

Adblock Detected

Please consider supporting us by disabling your ad blocker