KERALALATESTNEWS

സ്വർണകടത്ത് കേസില്‍ സ്വപ്‌നയ്‌ക്കെതിരെ യു.എ.പി.എ നിലനില്‍ക്കുമെന്ന് എന്‍.ഐ.എ

കൊച്ചി: തിരുവനന്തപുരം വിമാനത്താവളത്തിലെ നയതന്ത്രബാഗേജ് വഴിയുള്ള സ്വര്‍ണ്ണക്കടത്ത് രാജ്യദ്രോഹക്കുറ്റത്തിന്റെ പരിധിയില്‍ വരുമെന്ന് എന്‍.ഐ.എ. 20 തവണയായി 200 കിലോ സ്വർണം പ്രതികൾ കടത്തിയതെന്നും അന്വേഷണ സംഘം കോടതിയെ അറിയിച്ചു. എന്നാൽ സ്വർണകടത്ത് നികുതി വെട്ടിപ്പ് കേസല്ലേയെന്നും യുഎപിഎ എങ്ങനെ നിലനിൽക്കുമെന്നും വാദത്തിനിടെ അന്വേഷണ സംഘത്തോട് കോടതി ചോദിച്ചു.

സ്വർണകടത്ത് നികുതി വെട്ടിപ്പ് കേസല്ലേ എന്നായിരുന്നു വാദം ആരംഭിച്ച ഉടനെ അന്വേഷണ സംഘത്തോടുള്ള കോടതിയുടെ ചോദ്യം. യുഎപിഎ എങ്ങനെ നിലനിൽക്കുമെന്നും കോടതി ചോദിച്ചു എന്നാൽ രാജ്യത്തിന്റെ സാമ്പത്തിക സുരക്ഷയെ ബാധിയ്ക്കുന്ന വിഷയമായതിനാല്‍ രാജ്യദ്രാഹക്കുറ്റത്തിന്റെ പരിധിയില്‍ ഉൾപ്പെടുമെന്ന് എൻഐഎ വാദിച്ചു. കേസ് ഡയറിയും വസ്തുതാ റിപ്പോര്‍ട്ടും എന്‍.ഐ.എ കോടതിയില്‍ സമര്‍പ്പിച്ചു. രാഷ്ട്രീയ പ്രേരിതമായാണ് കേസന്വേഷണം എന്‍.ഐ.എ ഏറ്റെടുത്തതെന്ന പ്രതിഭാഗത്തിന്റെ വാദം എൻഐഎ ക്കു വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ തള്ളി.

Related Articles

Back to top button