ന്യൂഡല്‍ഹി: കഴിഞ്ഞ ആറുമാസത്തിനിടെ സ്ത്രീകള്‍ക്കുനേരെയുണ്ടായ അതിക്രമങ്ങള്‍ ഉത്തര്‍പ്രദേശ് ഏറ്റവും മുന്നില്‍. മാര്‍ച്ച് മുതല്‍ സെപ്റ്റംബര്‍ 20 വരെ ദേശീയ വനിതാ കമ്മിഷനു യു.പി.യില്‍നിന്നു ലഭിച്ചത് 5470 പരാതികളാണ്.
കോവിഡ് അടച്ചിടല്‍ ആരംഭിച്ച മാര്‍ച്ചില്‍ 699 പരാതികള്‍ യു.പി.യില്‍നിന്ന് ദേശീയ വനിതാ കമ്മിഷന് ലഭിച്ചു. ഏപ്രിലില്‍ 159, മേയില്‍ 530, ജൂണില്‍ 876, ജൂലായില്‍ 1461, ഓഗസ്റ്റില്‍ 966, സെപ്റ്റംബറില്‍ 600 എന്നിങ്ങനെയാണ് പരാതികള്‍ കിട്ടിത്. 190 പരാതികള്‍ വാട്‌സാപ്പിലൂടെയും ലഭിച്ചു.
സ്ത്രീകള്‍ക്കുനേരെയുള്ള അതിക്രമങ്ങള്‍ കഴിഞ്ഞവര്‍ഷം ഏറ്റവുംകൂടുതല്‍ റിപ്പോര്‍ട്ട് ചെയ്തതും യു.പി.യിലായിരുന്നു. ഇത്തരത്തിലുള്ള 59,853 കേസുകള്‍ രജിസ്റ്റര്‍ ചെയ്‌തെന്നാണ് നാഷണല്‍ ക്രൈം റെക്കോഡ്‌സ് ബ്യൂറോയുടെ വിലയിരുത്തല്‍. 3065 ബലാത്സംഗങ്ങളും റിപ്പോര്‍ട്ട് ചെയ്തു.
BREAKING NEWS
