BREAKING NEWSKERALALATESTNEWS

സ്വപ്നയുടെ കാറിനെ പിന്തുടർന്ന വാഹനം കണ്ടെത്താൻ ശ്രമം തുടങ്ങി; പിന്തുടർന്നത് ക്വട്ടേഷൻ സംഘമാണെന്ന് എൻഐക്ക് സംശയം

ബംഗളൂരുവിലേയ്ക്ക് കടന്ന് കളയുന്നതിനിടെ സ്വപ്നയുടെ കാറിനെ പിന്തുടർന്ന വാഹനം കണ്ടെത്താൻ എൻഐഎ ശ്രമം തുടങ്ങി. പിന്തുടർന്നത് ക്വട്ടേഷൻ സംഘമാണെന്ന് എൻഐക്ക് സംശയമുണ്ട്. സ്വപ്നയേയും കുടുംബത്തേയും അപകടത്തിൽപ്പെടുത്താനായിരുന്നു ഈ ക്വട്ടേഷൻ സഘത്തിന്റെ ലക്ഷ്യം. മകൾക്കും ഭർത്താവിനും തോന്നിയ ജീവഭയമാണ് അന്വേഷണ സംഘത്തിന് കാര്യങ്ങൾ സുഗമമാക്കിയത്.

തിരുവനന്തപുരം സ്വർണക്കടത്ത് കേസ് പ്രതി സ്വപ്‌ന സുരേഷിന്റെയും സന്ദീപ് നായരുടേയും കസ്റ്റഡി അപേക്ഷയിൽ തീരുമാനം ഇന്ന്. പ്രതികളുടെ കൊവിഡ് പരിശോധനാ ഫലം നെഗറ്റീവായതിന് പിന്നാലെ അന്വേഷണ സംഘം കസ്റ്റഡി അപേക്ഷ സമർപ്പിക്കാനാണ് നീക്കം. നിലവിൽ സ്വപ്‌ന സുരേഷ് തൃശൂരിലെ കൊവിഡ് കെയർ സെന്ററിലാണ് ഉള്ളത്. സ്വപ്‌നയോടൊപ്പം മൂന്ന് റമാൻഡ് പ്രതികളും നിരീക്ഷണത്തിലാണ്.

 

ജൂലൈ 5നാണ് ഇന്ത്യയിലാദ്യമായി ഡിപ്ലോമാറ്റിക് ബാഗിൽ സ്വർണം കടത്തിയെന്ന വാർത്ത പുറത്തുവരുന്നത്. സ്വർണം ഒളിപ്പിച്ച് കടത്തിയത് യുഎഇ കോൺസുലേറ്റിലേക്കുള്ള പാഴ്‌സലിലാണ്. സ്റ്റീൽ പൈപ്പുകൾക്കുള്ളിലാണ് സ്വർണം ഉണ്ടായിരുന്നത്. പല ബോക്‌സുകളിലായി സ്വർണം എത്തിയത് ദുബായിൽ നിന്നാണ്.

കസ്റ്റംസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. ഇതുമായി ബന്ധപ്പെട്ട് യുഎഇ കോൺസുലേറ്റ് പിആർഒ സരിത്തിനെ അന്വേഷണസംഘം കസ്റ്റഡിയിലെടുത്തു. ഇതിന് പിന്നാലെ സ്വർണക്കടത്തിന്റെ മുഖ്യ ആസൂത്രക ഐ.ടി വകുപ്പിലെ ഉദ്യോഗസ്ഥ സ്വപ്‌ന സുരേഷാണെന്ന വിവരം പുറത്തുവരികയായിരുന്നു.

Tags

Related Articles

Back to top button
Close