ENTERTAINMENTBOLLYWOODMALAYALAM

പത്താം ക്ലാസിലെ മാര്‍ക്ക് ലിസ്റ്റ് പങ്കുവച്ച് വിദ്യാ ബാലന്‍; മാര്‍ക്ക് എത്രയെന്നല്ലേ

കണക്കിലെ പുലിയായിരുന്ന ശകുന്തളാദേവിയുടെ ജീവിതം സ്‌ക്രീനില്‍ അവതരിപ്പിച്ച താരമാണ് വിദ്യാ ബാലന്‍. ശകുന്തളാദേവിയോളം വരില്ലെങ്കിലും താനും കണക്കില്‍ മിടുക്കിയായിരുന്നുവെന്നാണ് വിദ്യ പറയുന്നത്. അഭിനയത്തിലെന്ന പോലെ പഠനത്തിലും വിദ്യ മിടുക്കിയായിരുന്നുവെന്നാണ് താരം പങ്കുവച്ച ചിത്രത്തില്‍ നിന്നും മനസിലാകുന്നത്. തന്റെ പത്താം ക്ലാസിലെ മാര്‍ക്ക് ഷീറ്റാണ് വിദ്യ പുറത്തു വിട്ടിരിക്കുന്നത്.
1994 ലെ പത്താം ക്ലാസ് പരീക്ഷയുടെ മാര്‍ക്ക് ഷീറ്റാണ് താരം സോഷ്യല്‍ മീഡിയയിലൂടെ പങ്കുവച്ചിരിക്കുന്നത്. കണക്കില്‍ താന്‍ ഒട്ടും മോശമല്ലെന്ന് വിദ്യ പറയുന്നു. 82 ശതമാനാണ് വിദ്യയുടെ മുഴുവന്‍ മാര്‍ക്ക്. കണക്കില്‍ 150 ല്‍ 126 മാര്‍ക്കായിരുന്നു വിദ്യ നേടിയത്. താരം കണക്കില്‍ ചെറിയൊരു പുലി തന്നെയായിരുന്നുവെന്ന് ഉറപ്പാണ്.
താനൊരു ജീനിയസായിരുന്നില്ല. പക്ഷെ ഒട്ടും മോശമായിരുന്നില്ലെന്നും വിദ്യ പറയുന്നു. ആമസോണ്‍ പ്രൈമിലൂടെയാണ് ശകുന്തളാദേവി റിലീസ് ചെയ്തത്. ചിത്രത്തിലെ വിദ്യയുടെ പ്രകടനം ഏറെ പ്രശംസ നേടിയിരുന്നു. സാനിയ മല്‍ഹോത്രയും പ്രധാന വേഷങ്ങളിലൊന്നില്‍ എത്തുന്നുണ്ട്.

Related Articles

Back to top button