പത്തനംതിട്ടയിലെ നഴ്സിംഗ് വിദ്യാര്ഥി അമ്മുവിന്റെ മരണത്തിലെ മൂന്ന് പ്രതികളെയും പോലിസ് കസ്റ്റഡിയില് വിട്ട് കോടതി. 27-ാം തീയതി വരെയാണ് കസ്റ്റഡിയില് വിട്ടത്. കസ്റ്റഡി വേണ്ടെന്ന പ്രതിഭാഗത്തിന്റെ വാദം തള്ളി. മൂന്ന് പ്രതികളെയും വിശദമായി ചോദ്യം ചെയ്യണമെന്നാണ് പോലീസിന്റെ ആവശ്യം. പോലീസ് നല്കിയ കസ്റ്റഡി അപേക്ഷ പത്തനംതിട്ട ഒന്നാം ക്ലാസ് മജിസ്ട്രേറ്റ് കോടതി പരി?ഗണിച്ചത്.
മൂന്നു പ്രതികളെയും ഒരുമിച്ചിരുത്തി ചോദ്യം ചെയ്യണമെന്നാണ് അന്വേഷണസംഘത്തിന്റെ ആവശ്യം. ഇതുവരെയുള്ള അന്വേഷണത്തില് കോളേജ് അധികൃതര്ക്കും വീഴ്ച പറ്റിയെന്ന് കണ്ടെത്താനായിട്ടില്ല. മൂന്നു പ്രതികള്ക്കെതിരെയും പട്ടികജാതി പീഡന നിരോധന നിയമം ചുമതത്തുന്ന കാര്യം വിശദമായ അന്വേഷണത്തിനുശേഷം തീരുമാനിക്കും. അമ്മുവിന്റെ സഹപാഠികളുടെ മൊഴി വരും ദിവസങ്ങളില് വിശദമായി രേഖപ്പെടുത്തും. അമ്മുവിന്റെ മൊബൈല് ഫോണിന്റെ ഉള്പ്പെടെ ഡിജിറ്റല് പരിശോധന ഫലവും പോസ്റ്റ്മോര്ട്ടം റിപ്പോര്ട്ടും ലഭിച്ചശേഷം ആയിരിക്കും തുടര്നടപടികള്.
പത്തനാപുരം കുണ്ടയം സ്വദേശിനി അലീന ദിലീപ് , ചങ്ങനാശ്ശേരി സ്വദേശിനി അക്ഷിത , കോട്ടയം അയര്ക്കുന്നം സ്വദേശിനി അഞ്ജന എന്നിവരാണ് കേസിലെ പ്രതികള്. ഇവരെ കൊട്ടാരക്കര സ്പെഷ്യല് ജയിലിലാണ് പാര്പ്പിച്ചിരിക്കുന്നത്. അതേസമയം വിശദമായ അന്വേഷണം ആവശ്യപ്പെട്ട് കുടുംബം സര്ക്കാറിനെ സമീപിക്കും. ഇക്കഴിഞ്ഞ പതിനഞ്ചാം തീയതി വൈകിട്ട് നാലരയോടെയാണ് അമ്മു എ സജീവ് എന്എസ്എസ് ഹോസ്റ്റല് കെട്ടിടത്തിന് മുകളില് നിന്ന് താഴേക്ക് ചാടിയത്.
