ലഖ്നൌ: ചാര്ജ് ചെയ്ത ഫോണ് തിരിച്ചെടുക്കുന്നതിനിടെ യുവതി വൈദ്യുതാഘാതമേറ്റ് മരിച്ചു. ഉത്തര്പ്രദേശിലെ സാരംഗ്പൂരിലെ 22 കാരിയായ നീതുവാണ് മൊബൈല് ഫോണ് ചാര്ജറില് നിന്ന് എടുക്കുന്നതിനിടെ വൈദ്യുതാഘാതമേറ്റ് മരിച്ചത്.
നീതുവിന്റെ കരച്ചില് കേട്ടെത്തിയ ബന്ധുക്കള് വടി ഉപയോഗിച്ച് ഫോണില് നിന്ന് നീതുവിനെ വേര്പെടുത്തി. സമീപത്തെ പ്രാഥമിക ആരോഗ്യ കേന്ദ്രത്തിലേക്ക് കൊണ്ടുപോയെങ്കിലും അപ്പോഴേക്കും മരണം സംഭവിച്ചു. കുടുംബം പരാതിയൊന്നും നല്കിയിട്ടില്ലെന്ന് ബന്സ്ദിഹ് പൊലീസ് സ്റ്റേഷന് ഇന് ചാര്ജ് സഞ്ജയ് സിംഗ് പറഞ്ഞു.
അതിനിടെ ശിക്കാരിയ ഖുര്ദ് ഗ്രാമത്തില് കൊയ്ത്ത് യന്ത്രം തട്ടി ഒരു സ്ത്രീ മരിച്ചു. ഹത്തൗഡി ഗ്രാമത്തിലെ ബിന്ദു ദേവി ആണ് വയലില് ജോലി ചെയ്യുന്നതിനിടെ കൊയ്ത്ത് യന്ത്രം ഇടിച്ച് മരിച്ചത്. ബിന്ദു ദേവിയുടെ ഭര്ത്താവ് രാധാ കിഷുണ് റാമിന്റെ പരാതിയില് കൊയ്ത്ത് യന്ത്രം ഓടിച്ച ആള്ക്കെതിരെ കേസെടുത്തു.
