കൊച്ചി: എറണാകുളത്ത് അലന്‍ വാക്കറുടെ ഡിജെ പാര്‍ട്ടിക്കിടെ കൂട്ട മൊബൈല്‍ മോഷണം നടന്ന സംഭവത്തില്‍ അന്വേഷണം ദില്ലിയിലേക്ക്. മൊബൈല്‍ ഫോണ്‍ ലൊക്കേഷനുകള്‍ കേന്ദ്രീകരിച്ചാണ് അന്വേഷണ സംഘം ദില്ലിയിലേക്ക് പോയി അന്വേഷിക്കുക. ഇന്ന് വൈകിട്ട് അന്വേഷണ സംഘം ദില്ലിക്ക് പോകും.
ബെംഗളൂരുവിലെ പരിപാടിക്കിടയിലും മൊബൈല്‍ ഫോണുകള്‍ മോഷ്ടിക്കപ്പെട്ടോ എന്ന് സംശയമുണ്ട്. ഇത് അറിയാന്‍ പൊലീസിന്റെ പ്രത്യേക സംഘം ബെംഗളൂരുവിലേക്കും പോകും. കൊച്ചിയിലെ പരിപാടിയില്‍ മൊബൈലുകള്‍ മോഷ്ടിച്ച ശേഷം മോഷണ സംഘം വിമാനത്തിലും രണ്ടാം സംഘം ട്രെയിനിലും കേരളം വിട്ടെന്നാണ് നിഗമനം. ഉത്തരേന്ത്യ കേന്ദ്രീകരിച്ച് പ്രവര്‍ത്തിക്കുന്ന അസ്ലം ഖാന്റെ നേതൃത്വത്തിലുള്ള മോഷണ സംഘത്തിന്റെ പ്രവര്‍ത്തനത്തിന് സമാനമായ പ്രവര്‍ത്തന രീതിയെന്നാണ് വിലയിരുത്തല്‍.
Follow Us
