ഡൽഹി ഓൾഡ് രജീന്ദർ നഗറിലെ ഐഎഎസ് പരിശീലന കേന്ദ്രത്തിൽ മഴവെള്ളം കയറി വിദ്യാർഥികൾ മരിച്ചതിന് പിന്നാലെ കെട്ടിട നിർമാണ നിയമങ്ങൾ ലംഘിക്കുന്നതായി കണ്ടെത്തിയ 13 കോച്ചിംഗ് സെൻ്ററുകൾ സീൽ ചെയ്ത് മുൻസിപ്പൽ അധികൃതർ. ഡൽഹിയിൽ പെയ്ത കനത്ത മഴയിൽ റാവൂസ് സ്റ്റഡി സർക്കിള്‍ എന്ന യുപിഎസ്‌സി പരിശീലന കേന്ദ്രത്തിന്റെ ബേസ്‌മെൻ്റിൽ വെള്ളം കയറി മലയാളിയടക്കം മൂന്നുപേരായിരുന്നു ശനിയാഴ്ച മരിച്ചത്.അതേസമയം, അപകടത്തിൽ മരിച്ച എറണാകുളം സ്വദേശി നവീൻ ഡാൽവിന്റെ മൃതദേഹം നടപടിക്രമങ്ങൾ പൂർത്തിയാക്കിയ ശേഷം ഇന്ന് വൈകിട്ട് തിരുവനന്തപുരത്ത് എത്തിക്കും. സംഭവം നടന്ന റാവൂസ് പരിശീലനം കേന്ദ്രം ഇതിനകം സീൽ ചെയ്തിട്ടുണ്ട്. പരിശീലന കേന്ദ്രത്തിന്റെ ബേസ്‌മെന്റിൽ ലൈബ്രറി നടത്തിയത് അനധികൃതമായിട്ടാണെന്ന് അധികൃതർ പറയുന്നത്.
Follow Us
