രണ്ട് മനുഷ്യര്ക്ക് തമ്മില് തോന്നുന്ന വികാരമാണ് പ്രണയം. അവിടെ സമ്പത്തോ, ജോലിയോ, തൊലി നിറമോ, ജാതിയോ, മതമോ എന്തിന് ലിംഗഭേദം പോലുമില്ല. അത്തരമൊരു പ്രണയസാഫല്യത്തിന്റെ നിറവിലാണ് ഫ്ലോറിഡ സ്വദേശിയായ 29 – കാരി കെയ്ല ഡൂഡി. കാമുകന് ഹാരിയുമായുള്ള കെയ്ലയുടെ വിവാഹ നിശ്ചയം കഴിഞ്ഞിരുന്നു. എന്നാല് കെയ്ല പിന്നീട് ആ വിവാഹത്തില് നിന്നും പിന്മാറി. പകരം 36 കാരിയായ തന്റെ വീട്ടുവേലക്കാരി എറിക്കയെ വിവാഹം ചെയ്തെന്ന് ന്യൂയോര്ക്ക് പോസ്റ്റ് റിപ്പോര്ട്ട് ചെയ്യുന്നു.
എറിക്കയുമായുള്ള തന്റെ പ്രണയത്തെ കുറിച്ച് കെയ്ല ന്യൂയോര്ക്ക് ടൈംസിനോട് സംസാരിച്ചു. ‘ഹാരിയുമായി എനിക്ക് അത്രയ്ക്ക് ഭ്രാന്തമായ പ്രണയും ഉണ്ടായിരുന്നില്ല. എന്നാല് എറിക്കയ്ക്ക ഒപ്പമുള്ളപ്പോള് എനിക്ക് സ്വസ്ഥതയും സുഖവും തോന്നി. എന്റെ സുഹൃത്തുക്കള്ക്ക് ഒപ്പമുണ്ടായിരുന്നതിനേക്കാള് സൌഹൃദതം തോന്നി. അവര് അവരുടെ പങ്കാളികളോട് വളരെ അഭിനിവേശമുള്ളവരാണ്. എന്നാല്, എനിക്കവരോട് അസൂയ തോന്നിയില്ല. കാരണം എനിക്കും ആത്മാഭിമാനം ഉണ്ടായിരുന്നു. എന്നെ സ്നേഹിച്ച ഒരു മനുഷ്യന്. പക്ഷേ, എനിക്ക് അയാളോട് അതേ രീതിയില് ഒന്നും തോന്നിയിരുന്നില്ല. ഇതിനിടെയാണ് 2021 ഡിസംബറില് വ്യക്തിഗത പരിശീലകയായി ജോലി ചെയ്യുന്ന ഡാന് (യഥാര്ത്ഥ പേരല്ല) എന്നയാളെ പരിചയപ്പെടുന്നത്. 2022 നവംബറില് അദ്ദേഹത്തിന്റെ ഭാര്യ എറിക്കയെ കണ്ടുമുട്ടി. മാസങ്ങള്ക്കുള്ളില്, എറിക്കയും ഞാനും മികച്ച സുഹൃത്തുക്കളായി. ദിവസവും സന്ദേശമയയ്ക്കും. പിന്നാലെ ഞാനും കാമുകനും എറിക്കയും ഭര്ത്താവും അങ്ങനെ ഞങ്ങള് ഒരു നാല്വര് സംഘമായി ചുറ്റിക്കറങ്ങി.’ കെയ്ല പറയുന്നു.
ഇതിനിടെ 2023 ഫെബ്രുവരിയില് ഹാരി, കാമുകിയായ കെയ്ലയോട് വിവാഹാഭ്യര്ത്ഥന നടത്തി. കെയ്ല ഹാരിയുടെ വിവാഹാഭ്യര്ത്ഥനയ്ക്ക് സമ്മതം മൂളി. പക്ഷേ, ആ സമ്മതം, പിന്നീട് തന്നെ ഏറെ അസ്വസ്ഥമാക്കിയെന്ന് കെയ്ല പറയുന്നു. എങ്കിലും വിവാഹവുമായി മുന്നോട്ട് പോകാന് അവള് തീരുമാനിച്ചു. ഒപ്പം എറികയോട് തന്റെ വേലക്കാരിയാകാന് സമ്മതമാണോയെന്നും ചോദിച്ചു. ഒടുവില് ഇരുവരും ഒരുമിച്ചതിന് ദിവസങ്ങള്ക്ക് ശേഷം ‘താന് ഒരു സ്ത്രീയെ ചുംബിച്ചതായും ലെസ്ബിയന് ആയതിനാല് ഭര്ത്താവില് നിന്ന് വിവാഹമോചനം തേടുകയാണെന്നും’ എറിക കെയ്ലയെ അറിയിച്ചു. ‘ആദ്യം എനിക്ക് തലകറങ്ങുന്നത് പോലെ തോന്നി. എനിക്ക് അവളോട് അസൂയ തോന്നി. അവള്ക്ക് എന്നോട് വികാരങ്ങളുണ്ടെന്ന് തിരിച്ചറിഞ്ഞപ്പോള് ആ വികാരങ്ങളെ അകറ്റാന് ഞാന് ശ്രമിച്ചു. പക്ഷേ, മുമ്പൊരിക്കലും ഇല്ലാതിരുന്ന ഒരു തീപ്പൊരി ഞങ്ങള്ക്കിടയിലുണ്ട്. ഞങ്ങള് തമാശകള് പറഞ്ഞു കൊണ്ടിരുന്നു. ഞങ്ങള്ക്കിടയില് പരസ്പരം വൈദ്യുതബന്ധം തോന്നി. ഹാരിയുമായി അടുപ്പം പുലര്ത്താതിരിക്കാന് ഞാന് ഒഴികഴിവുകള് പറഞ്ഞു. ഞാന് പ്രണയത്തിലാണെന്ന് സ്വയം തിരിച്ചറിഞ്ഞു. പക്ഷേ അതെന്റെ കാമുകനുമായല്ല.’ കെയ്ല കൂട്ടിച്ചേര്ത്തു.
ആ തിരിച്ചറിവിന് പിന്നാലെ കെയ്ല തന്റെ വിവാഹനിശ്ചയം അവസാനിപ്പിച്ചു. കെയ്ലയും എറിക്കയും പുതിയൊരു പ്രണയബന്ധം ആരംഭിച്ചു. ആറ് മാസത്തിന് ശേഷം, എറിക്ക വിവാഹാഭ്യര്ഥന നടത്തി. പ്രിയപ്പെട്ടവരുടെ സാന്നിധ്യത്തില് ഏപ്രിലില് അവര് വിവാഹിതരായി. എറിക്കയെ വിവാഹം കഴിക്കുന്നത് താന് ജീവിതത്തിലെടുത്ത ഏറ്റവും മികച്ച തീരുമാനമാണെന്ന് കെയ്ല പറയുന്നു. ’60 കുടുംബാംഗങ്ങളുടെയും സുഹൃത്തുക്കളുടെയും മുന്നില് പൂക്കള് നിറഞ്ഞ ഒരു വിവാഹ വേദിയില് ഞങ്ങള് വിവാഹിതരായി. പ്രതിജ്ഞകള് കൈമാറുമ്പോള്, ഞാന് എന്റെ ആത്മസഖിയെ വിവാഹം കഴിക്കുകയാണെന്ന് എനിക്കറിയാം. എനിക്ക് പശ്ചാത്താപമില്ല, ഞങ്ങള് അങ്ങനെയാകാന് ഉദ്ദേശിച്ചിരുന്നു, ഒടുവില് ഞാന് യഥാര്ത്ഥ സ്നേഹവും സന്തോഷവും കണ്ടെത്തി.’ കെയ്ല പറയുന്നു. ഇപ്പോള്, ഐവിഎഫ് ചികിത്സ വഴി ഇരുവരും ഒരു കുടുംബം ആരംഭിക്കാന് പദ്ധതിയിടുന്നെന്നും റിപ്പോര്ട്ടില് പറയുന്നു.
