സംസ്ഥാനത്ത് ഇന്ന് 1564 പേര്ക്ക് കൊവിഡ് സ്ഥിരീകരിച്ചതായി ആരോഗ്യ വകുപ്പ് മന്ത്രി കെ. കെ. ശൈലജ. തിരുവനന്തപുരം ജില്ലയില് നിന്നുള്ള 434 പേര്ക്കും, പാലക്കാട്, മലപ്പുറം ജില്ലകളില് നിന്നുള്ള 202 പേര്ക്ക് വീതവും, എറണാകുളം ജില്ലയില് നിന്നുള്ള 115 പേര്ക്കും, കോഴിക്കോട് ജില്ലയില് നിന്നുള്ള 98 പേര്ക്കും, കാസര്ഗോഡ് ജില്ലയില് നിന്നുള്ള 79 പേര്ക്കും, പത്തനംതിട്ട, തൃശൂര് ജില്ലകളില് നിന്നുള്ള 75 പേര്ക്ക് വീതവും, കൊല്ലം ജില്ലയില് നിന്നുള്ള 74 പേര്ക്കും, ആലപ്പുഴ ജില്ലയില് നിന്നുള്ള 72 പേര്ക്കും, കോട്ടയം ജില്ലയില് നിന്നുള്ള 53 പേര്ക്കും, ഇടുക്കി ജില്ലയില് നിന്നുള്ള 31 പേര്ക്കും, കണ്ണൂര്, വയനാട് ജില്ലകളില് നിന്നുള്ള 27 പേര്ക്ക് വീതവുമാണ് ഇന്ന് രോഗബാധ സ്ഥിരീകരിച്ചത്.
ഇന്ന് മൂന്ന് മരണമാണ് കൊവിഡ്-19 മൂലമാണെന്ന് സ്ഥിരീകരിച്ചത്. ആഗസ്റ്റ് 7ന് മരണമടഞ്ഞ തിരുവനന്തപുരം മുക്കോല സ്വദേശിനി ലിസി സാജന് (55), ആഗസ്റ്റ് 8ന് മരണമടഞ്ഞ കോഴിക്കോട് രാമനാട്ടുകര സ്വദേശി രാധാകൃഷ്ണന് (80), ആഗസ്റ്റ് 10ന് മരണമടഞ്ഞ മലപ്പുറം സ്വദേശി അബ്ദുള് റഹ്മാന് (63) എന്നിവരുടെ പരിശോധനാഫലം കോവിഡ്-19 മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇതോടെ ആകെ മരണം 129 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.