തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് ഒന്നാംഘട്ടത്തില്‍ സംസ്ഥാനത്തെ അഞ്ച് ജില്ലകളില്‍ വോട്ടെടുപ്പ് അവസാനിക്കാന്‍ മിനിറ്റുകള്‍ മാത്രം ശേഷിക്കേ പോളിങ് ശതമാനം 72ന് മുകളില്‍.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ആദ്യഘട്ട തെരഞ്ഞെടുപ്പ്. 395 തദ്ദേശ സ്ഥാപനങ്ങളിലായി 6910 വാര്‍ഡുകളിലേക്കാണ് ഒന്നാം ഘട്ടത്തില്‍ തെരഞ്ഞെടുപ്പ്. 88,26,620 വോട്ടര്‍മാര്‍ വിധിയെഴുതും. ആദ്യ മണിക്കൂറുകളില്‍ തന്നെ മികച്ച പോളിങ്ങ് രേഖപ്പെടുത്തിയിരുന്നു.
വൈകീട്ട് 6.08 വരെയുള്ള വോട്ടിങ് ശതമാനം ജില്ല വോട്ടിങ് നില
തിരുവനന്തപുരം 69.07 %
കൊല്ലം 72.79 %
പത്തനംതിട്ട 69.33 %
ആലപ്പുഴ 76.42 %
ഇടുക്കി 73.99 %
തിരുവനന്തപുരം കോര്‍പറേഷന്‍ 59.02 %
കൊല്ലം കോര്‍പറേഷന്‍ 65.11 %
ആകെ 72.03 %</p>
