സര്ജറിയ്ക്ക് ശേഷം പുതിയ രൂപത്തിലും ഭാവത്തിലും സോഷ്യല് മീഡിയയില് പ്രത്യക്ഷപ്പെട്ടിരിക്കുകയാണ് 37 കാരിയായ റിയാലിറ്റി ടിവി താരം ജെസിക്ക ആല്വ്സ്. ലിംഗമാറ്റ ശസ്ത്രക്രിയ കഴിഞ്ഞ ഒരു ദിവസം പിന്നിടുമ്പോഴുള്ള ചിത്രമാണ് താരം ഇപ്പോള് സോഷ്യല് മീഡിയയില് പങ്കുവെച്ചിരിക്കുന്നത്.ചുവന്ന ബിക്കിനിയില് അതീവ മനോഹരിയായിഎത്തിയ താരത്തിന്റെ ചിത്രങ്ങള് സോഷ്യല് മീഡിയയും ആരാധകരും ഇപ്പോള് ഏറ്റെടുത്ത് കഴിഞ്ഞിരിക്കുകയാണ്.നിരവധി കമന്റുകളാണ് താരത്തിന്റെ ചിത്രങ്ങള് താഴെ എത്തുന്നത്.
താന് പൂര്ണമായി ഒരു സ്ത്രീയായി മാറിയെന്നും പുരുഷനുമായി ലൈംഗിക ബന്ധത്തില് ഏര്പ്പെടാന് പോലും കഴിയുമെന്നുമുള്ള താരത്തിന്റെ വെളിപ്പെടുത്തല് ഇതിന് മുമ്പ് ഏറെ ചര്ച്ച ചെയ്യപ്പെട്ടിരുന്നു. രണ്ട് വര്ഷത്തിനുള്ളില് 75,000 ഡോളറാണ് സ്തനങ്ങള്, നിതംബം, ചുണ്ടുകള് എന്നിവയുടെ രൂപമാറ്റത്തിന് വേണ്ടി ജെസിക്ക ചിലവഴിച്ചത്.
ലണ്ടനില് താമസിക്കുന്ന ബ്രസീലിയന് താരം 17 വയസ്സുള്ളപ്പോള് മുതല് ലിംഗമാറ്റ ശസ്ത്രക്രിയ ഉള്പ്പെടെ അവളുടെ ശരീരത്തിന്റെ ഓരോ ഇഞ്ചും രൂപാന്തരപ്പെടുത്താന് 7,25,000 ഡോളര് ഇതുവരെ ചെലവഴിച്ചു എന്നാണ് താരം വെളിപ്പെടുത്തുന്നത്. നിരന്തരം പ്ലാസ്റ്റിക് സര്ജറികള്ക്ക് വിധേയായ താരം വാര്ത്തകളില് നിറഞ്ഞ് നിന്നിരുന്നു. 2018 ല് സെലിബ്രിറ്റി ബിഗ് ബ്രദറില് പ്രത്യക്ഷപ്പെട്ടതോടെയാണ് താരത്തിന്റെ പ്രശസ്തി വര്ധിച്ചത്. സമൂഹ മാധ്യമങ്ങളില് ഈ സുന്ദരിയെ കിടക്ക പങ്കിടാന് ക്ഷണിക്കുന്നവരും ഏറെയാണ്. ഒപ്പം ശയിക്കാന് 15,000 ഡോളര് വരെ വാഗ്ദാനം ചെയ്യുന്നവരുണ്ട് എന്നാണ് റിപ്പോര്ട്ടുകള്.
ലിംഗ മാറ്റ ശസ്ത്രക്രിയ കഴിഞ്ഞ് മൂന്ന് മാസം പിന്നിട്ടതോടെ താന് പൂര്ണമായും പെണ്ണായതായും ശാരീരിക പ്രശ്നങ്ങള് ഒന്നുമില്ലെന്നും അവര് ഇംഗ്ലീഷ് പത്രമായ ദി സണ്ണിന് നല്കിയ അഭിമുഖത്തില് പറഞ്ഞു. ഇനി ഇണയെ തേടുന്ന സമയമാണ്. അതി സുന്ദരനോ രാജകുമാരനോ ഒന്നും ആകണമെന്ന് നിര്ബന്ധമില്ല. തന്നെ പൂര്ണമായി മനസ്സിലാക്കാന് കഴിയുന്ന ഒരാള്. അയാളെ സന്തോഷിപ്പിക്കാന് തനിക്ക് കഴിയുമെന്നും താരം പറയുന്നു.
‘ശരിയായ വ്യക്തിയെ ഞാന് കണ്ടെത്തിയില്ലെങ്കില് ഞാന് ഒരു കന്യകയായി തുടരും, ഒരാളെ കണ്ടുമുട്ടാനും വീട്ടിലേക്ക് കൊണ്ടുവരാനും ഞാന് ഒരു ബാറില് പോകില്ല. അവന് സുന്ദരനാണ് എന്ന കാരണത്താല് ഞാന് ഒരു പുരുഷനുമൊപ്പം പോകില്ല. എനിക്ക് സുരക്ഷിതത്വം തോന്നണം, ഞാന് ഒരു കന്യകയാണെന്ന് അദ്ദേഹം മനസ്സിലാക്കണം. അതിനാല് ശ്രദ്ധയോടെ കൈകാര്യം ചെയ്യണം. നന്നായി പെരുമാറുന്ന, എന്റെ ശരീരത്തെ സ്നേഹിക്കുന്ന, എന്നെ സ്നേഹിക്കാനും എന്നെ സ്പര്ശിക്കാനും ആഗ്രഹിക്കുന്ന ഒരു മനുഷ്യനെ മാത്രമേ ഞാന് ആഗ്രഹിക്കുന്നുള്ളൂ. തെരുവില് എന്റെ കൈ പിടിച്ച് എന്നെ അവന്റെ കുടുംബത്തിന് പരിചയപ്പെടുത്തുകയും ഭാവിയില് ഏതെങ്കിലും ഘട്ടത്തില് എന്നോടൊപ്പം ഒരു കുടുംബം പുലര്ത്തുകയും ചെയ്യുന്ന ഒരാളെ ഞാന് ആഗ്രഹിക്കുന്നു.’ താരം വെളിപ്പെടുത്തി.
2007 ല് മയക്കുമരുന്ന് അമിതമായി കഴിച്ച് മരണമടഞ്ഞ അന്തരിച്ച ഹോളിവുഡ് നടിയും പ്ലേബോയ് മോഡലുമായ അന്ന നിക്കോള് സ്മിത്താണ് എസ്സിക്കയുടെ റോല് മോഡല്. ‘എനിക്ക് 14 വയസ്സുള്ളപ്പോള്, ഞാന് അന്നയുടെ ശൈലി ഇഷ്ടപ്പെട്ടിരുന്നു, അവള്ക്ക് വലിയ മുടിയുണ്ടായിരുന്നു, ഗ്ലാമറസായിരുന്നു, മനോഹരമായ സ്തനങ്ങള് ഉണ്ടായിരുന്നു, അതിശയകരമായിരുന്നു. അത് എവിടെ നിന്നാണ് ആരംഭിച്ചതെന്ന് ഞാന് ഊഹിക്കുന്നു, അന്നയുടെ ശരീരവടിവുകള്, അവളുടെ സ്ത്രീത്വം, അവള് എത്ര ഗ്ലാമറസ് ആയിരുന്നു.’
മൂന്ന് വര്ഷം മുമ്പ് ഒരു ഫോട്ടോഷൂട്ടിനായി ഒരു സ്ത്രീയായി വസ്ത്രം ധരിച്ച ശേഷം എല്ലായ്പ്പോഴും സ്ത്രീയായിരിക്കാന് താരം തീരുമാനിക്കുകയായിരുന്നു. 2019 നവംബറില് ജെസീക്ക ഒരു സ്ത്രീയായി ജീവിക്കാന് തുടങ്ങിയപ്പോള് മുതല്, സ്ത്രീയുടെ രൂപം വര്ദ്ധിപ്പിക്കുന്നതിനായി താരം ഒന്നിലധികം തവണ ശസ്ത്രക്രിയകള്ക്ക് വിധേയയായി. ‘ഹ്യൂമന് കെന് ഡോള്’ എന്നറിയപ്പെടുന്ന അവള് 6,50,000 ഡോളര് ചിലവഴിച്ച് അവളുടെ ശരീരം രൂപാന്തരപ്പെടുത്തി – നാല് വാരിയെല്ലുകള് നീക്കംചെയ്തു. അവള്ക്ക് ബട്ട് ആന്ഡ് ഹിപ്സ് ഇംപ്ലാന്റുകളും ഫേഷ്യല് ഫെമിനിസേഷന് ശസ്ത്രക്രിയയും ഉണ്ടായിരുന്നു.
54 1 minute read