കോഴിക്കോട്: പൊലീസിലെ ചുരുക്കം ചിലര്ക്ക് മാത്രമാണ് പൊതുജനങ്ങളോട് തെറ്റായ സമീപനം ഉള്ളതെന്നും അതിന്റെ പേരില് പൊലീസിനെ മുഴുവനായി കുറ്റപ്പെടുത്താന് സാധിക്കില്ലെന്നും മുഖ്യമന്ത്രി പിണറായി വിജയന്.
പൊലീസിന് പോരായ്മകളും പ്രശ്നങ്ങളുമുണ്ടെന്നും അവരെ കുറ്റവിമുക്തമാക്കാനാണ് ശ്രമിക്കുന്നതെന്നും മുഖ്യമന്ത്രി പറഞ്ഞു. പൊലീസില് ചിലര്ക്ക് തെറ്റായ സമീപനമുണ്ട്. അവരെ തിരുത്തും. പ്രശ്നങ്ങള് പരിഹരിക്കാന് ശ്രമം തുടങ്ങിയതായും അദ്ദേഹം വ്യക്തമാക്കി.
സി.പി.ഐ.എം കോഴിക്കോട് ജില്ലാ സമ്മേളനത്തില് ആഭ്യന്തര വകുപ്പിനെതിരായ വിമര്ശനങ്ങള്ക്ക് മറുപടി പറയുകയായിരുന്നു അദ്ദേഹം.