മലപ്പുറം മേലാറ്റൂരില് കാറില് ഒളിപ്പിച്ച് കടത്തിയ ഒരു കോടി രൂപയുടെ കുഴല്പ്പണവുമായി രണ്ടുപേര് പിടിയില്. ആലപ്പുഴ ഹരിപ്പാട് സ്വദേശികളായ ബാസിത്(24) മഹേഷ്(29) എന്നിവരെയാണ് 1.15 കോടി രൂപയുടെ കുഴല്പ്പണവുമായി മേലാറ്റൂര് പോലീസ് പിടികൂടിയത്. ഇവര് സഞ്ചരിച്ചിരുന്ന കാറും പണവും പോലീസ് പിടിച്ചെടുത്തിട്ടുണ്ട്.
പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തില് മേലാറ്റൂര് കാഞ്ഞിരംപാറയില് നടത്തിയ വാഹനപരിശോധനയിലാണ് കുഴല്പ്പണം പിടിച്ചെടുത്തത്. പ്രതികള് സഞ്ചരിച്ചിരുന്ന കാറിന്റെ പ്ലാറ്റ്ഫോമില് രഹസ്യ അറ നിര്മിച്ചാണ് പണം ഒളിപ്പിച്ചിരുന്നത്. സംഭവത്തില് പോലീസ് വിശദമായ അന്വേഷണം നടത്തിവരികയാണ്.കാസര്കോട്: നിക്ഷേപകരില്നിന്ന് കോടികള് തട്ടിയ കേസില് പ്രതിയായ കമ്പനി മാനേജിങ് ഡയറക്ടറെ പോലീസ് പിടികൂടി. മൈ ക്ലബ്ബ് ട്രേഡേഴ്സ് എന്ന കമ്പനിയുടെ എം.ഡി മലപ്പുറം കാളികാവ് ഉതിരുംപൊയില് പാലക്കാതൊടിയില് ഹൗസില് മുഹമ്മദ് ഫൈസലി(32)നെയാണ് കാസര്കോട് ഡിവൈ.എസ്.പി. പി.ബാലകൃഷ്ണന് നായര് അറസ്റ്റ് ചെയ്തത്.