കോട്ടയം: പുതുപ്പള്ളി ഉപതെരഞ്ഞെടുപ്പില് യുഡിഎഫി സ്ഥാനാര്ത്ഥിയായ ചാണ്ടി ഉമ്മന് നാമനിര്ദേശ പത്രികയ്ക്ക് ഒപ്പം കെട്ടിവയ്ക്കാനുള്ള പണം നല്കുന്നത് സിഒടി നസീറിന്റെ അമ്മയെന്ന് റിപ്പോര്ട്ട്. തുക നേരിട്ട് കൈ മാറില്ല. 10001 രൂപ ഗൂഗിള്പേ വഴിയാണ് കൈമാറുക. ആരോഗ്യ പ്രശ്നം കാരണം നസീറിന്റെ അമ്മ നേരിട്ട് എത്തില്ലെന്നാണ് വിവരം. തുക നേരില് കൈമാറും എന്നാണ് നേരത്തെ അറിയിച്ചത്. പാമ്പാടിയിലെ യുഡിഎഫ് കേന്ദ്ര തെരഞ്ഞെടുപ്പ് കമ്മിറ്റി ഓഫീസില് എത്തുമെന്ന് അറിയിച്ചിരുന്നു. ഉമ്മന്ചാണ്ടിയെ കല്ലെറിഞ്ഞ കേസിലെ പ്രതിയായിരുന്നു നസീര്. കേസ് നടക്കുന്നതിനിടെ പ്രതികള്ക്ക് അനുകൂലമായ നിലപാട് ഉമ്മന്ചാണ്ടി എടുത്തിരുന്നു. പിന്നീട് സിഒടി നസീര് ഉമ്മന്ചാണ്ടിയെ സന്ദര്ശിക്കുകയും ചെയ്തിരുന്നു.
തൃക്കാക്കര മോഡല് പ്രചാരണ തന്ത്രമാണ് പുതുപ്പള്ളിയിലും യുഡിഎഫ് ആസൂത്രണം ചെയ്യുന്നത്. പഴുതടച്ചുള്ള പ്രവര്ത്തനങ്ങളിലൂടെ ഉയര്ന്ന ഭൂരിപക്ഷം ഉറപ്പിക്കുകയാണ് ലക്ഷ്യം. ചെറുപ്പക്കാര് മുതല് മുതിര്ന്ന നേതാക്കള് വരെ പ്രചാരണത്തിന്റെ മുന്പന്തിയിലുണ്ടാകും. പുതുപ്പള്ളി പ്രചാരണത്തിന്റെ തലപ്പത്ത് പ്രതിപക്ഷ നേതാവ് വി ഡി സതീശനാണുള്ളത്. തൊട്ടുതാഴെ ഇടതും വലതുമായി തിരുവഞ്ചൂര് രാധാകൃഷ്ണനും കെ സി ജോസഫും, ഇങ്ങനെയാണ് യുഡിഎഫിന്റെ പുതുപ്പള്ളി പ്രചാരണത്തിന്റെ ഒന്നാം പേജ്. പ്രതിപക്ഷ നേതാവെന്ന നിലയില് സര്ക്കാരിനെതിരായ പ്രചാരണങ്ങള്ക്ക് മൂര്ച്ച കൂട്ടാനാണ് വിഡിയുടെ സാന്നിധ്യം. മണ്ഡലമറിഞ്ഞുള്ള ചരടുവലിക്ക് പുതുപ്പള്ളിയെ രണ്ടായി പകുത്താണ് തിരുവഞ്ചൂര് രാധാകൃഷ്ണനും കെ സി ജോസഫിനും ചുമതല നല്കിയിരിക്കുന്നത്. ഇരുവരും പുതുപ്പള്ളിയുടെ മണ്ണറിയുന്ന നേതാക്കളാണ്.
1,017 1 minute read