KERALALATEST

ബുള്ളറ്റില്‍ എത്തി വോട്ടഭ്യര്‍ത്ഥന നടത്തിയ വിദ്യാര്‍ഥിനിക്ക് മിന്നും ജയം

കോഴിക്കോട്: നിരവധി സ്ഥാനാര്‍ഥികള്‍ വ്യത്യസ്തശൈലിയിലെ വോട്ടുപിടുത്തം കൊണ്ട് വൈറലായിരുന്നു. ആ കൂട്ടത്തില്‍ സോഷ്യല്‍ മീഡിയയില്‍ തരംഗമായ സ്ഥാനാര്‍ഥിയായിരുന്നു ഒളവണ്ണ ഗ്രാമപഞ്ചായത്തിലെ വാര്‍ഡ് ഒന്നിലെ എല്‍ഡിഎഫ് സ്ഥാനാര്‍ഥിയായ ശാരുതി.
എല്ലാ വീടുകളിലും ബുള്ളറ്റില്‍ എത്തി വോട്ടുതേടിയാണ് ശാരുതി ശ്രദ്ധ നേടിയത്. 961 വോട്ടുകള്‍ നേടിയാണ് വാര്‍ഡില്‍ എല്‍ഡിഎഫ് സ്ഥാനാര്‍ഥിയായ ശാരുതി വിജയക്കൊടി പാറിച്ചത്.
യുവാക്കളെ വച്ച് തദ്ദേശ സ്ഥാപനങ്ങള്‍ പിടിക്കാനിറങ്ങിയ എല്‍ഡിഎഫിന്റെ പുതുമുഖ മുഖങ്ങളില്‍ ഒന്നായിരുന്നു ശാരുതിയും. കോവിഡ് കാലത്തു പ്രളയകാലത്തും വാര്‍ഡില്‍ സജീവമായി എല്ലാ പ്രവര്‍ത്തനങ്ങളിലും പങ്കാളിയായ ഈ എല്‍എല്‍ബി വിദ്യാര്‍ഥിനി നാട്ടിലെ റേഷന്‍ കട നടത്തുന്നയാള്‍ക്ക് കോവിഡ് വന്നപ്പോള്‍ ഏറ്റെടുത്ത് നടത്തിയതും ശ്രദ്ധ നേടിയിരുന്നു.

Related Articles

Back to top button