BUSINESSBUSINESS NEWS

വണ്ടര്‍ലാ തീം പാര്‍ക്ക് ആന്റ് റിസോര്‍ട്ട്‌സ് തുറക്കുന്നു

ബാംഗ്ലൂര്‍ : ഇന്ത്യയിലെ ലീഡിങ് അമ്യൂസ്‌മെന്റ് തീം പാര്‍ക്കും റിസോര്‍ട്ടുമായ ബെംഗളുരുവിലെ വണ്ടര്‍ലാ ഇന്നു മുതല്‍ ബിസിനസിനായി വീണ്ടും തുറക്കും.
ആദ്യത്തെ ആഴ്ചയില്‍ 12,000 ല്‍പ്പരം മുന്‍നിര കോവിഡ് 19 പോരാളികളെയും അവരുടെ കുടുംബങ്ങളെയും മഹാമാരിക്കെതിരായുള്ള പോരാട്ടത്തിലെ അവരുടെ പ്രതിബദ്ധതയ്ക്കുള്ള ആദരവ് എന്ന നിലയില്‍ വണ്ടര്‍ലായിലേക്ക് ക്ഷണിക്കും. ഈ തീം പാര്‍ക്ക് ഈ മാസം 12 വരെ അവര്‍ക്കു വേണ്ടി മാത്രമായിട്ടായിരിക്കും പ്രവര്‍ത്തിക്കുക. മുന്‍ നിര പോരാളികള്‍ക്ക് കുടുംബസമേതം എല്ലാ റൈഡുകളും എടുക്കാവുന്നതാണ് പാര്‍ക്കിലെ ഭക്ഷണ പാനീയങ്ങള്‍ ആസ്വദിക്കുകയും ചെയ്യാം.
ഡോക്ടര്‍മാര്‍ ,നഴ്‌സുമാര്‍ , അറ്റന്‍ഡര്‍ , ആംബുലന്‍സ് ഡ്രൈവര്‍, പോലീസുകാര്‍, ബാങ്ക് ജോലിക്കാര്‍, ഡെലിവറി എക്‌സിക്യൂട്ടീവുകള്‍ , അധ്യാപകര്‍, മാധ്യമ പ്രവര്‍ത്തകര്‍ , എന്നിങ്ങനെ വിവിധ രംഗങ്ങളിലെ മുന്‍ നിര പോരാളികളാണ് ക്ഷണിക്കപ്പെടുന്നവരില്‍ ഉള്‍പ്പെടുകയെന്നന് വണ്ടര്‍ലാ ഹോളിഡേയ്‌സിന്റെ മാനേജിങ് ഡയറക്ടര്‍ അരുണ്‍ ചിറ്റിലപ്പിള്ളി പറഞ്ഞു. പൊതുജനങ്ങള്‍ക്കായി പാര്‍ക്ക് തുറക്കുന്നത് നവംബര്‍ 13 നു ആരംഭിച്ചു വെള്ളി മുതല്‍ ഞായര്‍ വരെ മാത്രമായിരിക്കും . മാസാവസാനം വരെ 699 രൂപ ആയിരിക്കും നിരക്ക് ഓണ്‍ലൈനിലൂടെ മാത്രം ബുക്ക് ചെയ്യുന്നവവര്‍ക്കായിരിക്കും പ്രവേശനം. ബെംഗളുരുവിലെ വണ്ടര്‍ലാ മാത്രമാണ് ഇപ്പോള്‍ തുറക്കുന്നത് . കൊച്ചിയിലേയും ഹൈദരാബാദിലെയും പാര്‍ക്കുകള്‍ തുറക്കുന്ന തീയതി ഉടന്‍ പ്രഖ്യാപിക്കും.
ഇതിനിടെ വണ്ടര്‍ലാ ഹോളിഡേയ്‌സ് ലിമിറ്റഡ് 20202021 സാമ്പത്തിക വര്‍ഷത്തിലെ സെപ്തംബര്‍ 30ന് അവസാനിച്ച രണ്ടാം ത്രൈമാസ്ത വര്‍ഷത്തിന്റെ ആദ്യ ത്രൈമാസത്തില്‍ പാര്‍ക്കിന്റെ പ്രവര്‍ത്തനം നിര്‍ത്തിവെച്ചതിനാല്‍ വരുമാനം നിലച്ച്ത ബിസിനസിനെ പ്രതികൂലമായി ബാധിച്ചു. ഇതുമൂലം 1579.62 ലക്ഷം രൂപയുടെ നഷ്ടമാണ് ഉണ്ടായത്. ഇതേ കാലയളവില്‍ കഴിഞ്ഞ വര്‍ഷം 16.02 ലക്ഷം രൂപ ലാഭം പ്രഖ്യാപിച്ചിരുന്നു.

Related Articles

Back to top button