നടിയെ ആക്രമിച്ച കേസില് ദിലീപ് തെളിവ് നശിപ്പിച്ചെന്ന് പ്രോസിക്യൂഷന്. ബാലചന്ദ്രകുമാറിന്റെ ആരോപണങ്ങള്ക്ക് പിന്നാലെയാണ് ദിലീപ് ഫോണിലെ തെളിവുകള് നശിപ്പിച്ചത്. 12 വാട്സാപ്പ് സംഭാഷണങ്ങളും ഫോണ് നമ്പറുകളും നശിപ്പിച്ചെന്നും പ്രോസിക്യൂഷന്. നടിയെ ആക്രമിച്ച കേസില് ദിലീപിന്റെ ജാമ്യം റദ്ദാക്കണമെന്ന ഹര്ജി വിചാരണ കോടതി പരിഗണിക്കുന്നതിനിടയിലാണ് പ്രോസിക്യൂഷന് ഇത് വ്യക്തമാക്കിയത്.
എന്നാല് 1200 ചാറ്റുകള് നശിപ്പിച്ചാലും അത് എങ്ങനെ നടിയെ ആക്രമിച്ച കേസുമായി ബന്ധപ്പെടുത്തുമെന്ന് കോടതി ചോദിച്ചു. എന്തെങ്കിലും ബന്ധമുണ്ടെന്ന് തെളിയിച്ചാല് മാത്രമല്ലേ തെളിവു നശിപ്പിച്ചുവെന്ന കുറ്റം നിലില്ക്കുവെന്നും കോടതി പറഞ്ഞു.ദിലീപ് തെളിവുകള് നശിപ്പിച്ചുവെന്ന് നിലവില് ആവര്ത്തിച്ച് വ്യക്തമാക്കുകയാണ് പ്രോസിക്യൂഷന്. ചാറ്റുകളും ഇതുമായി ബന്ധപ്പെട്ട ഫോണിലെ വിവരങ്ങളും നശിപ്പിച്ചുവെന്നാണ് പ്രോസിക്യൂഷന്റെ ആരോപണം.
അതേസമയം ഇത് ആരുടെ ഫോണിലെയൊക്കെ വിവരങ്ങളാണ് നശിപ്പിച്ചതെന്ന് കോടതിയില് വ്യക്തമാക്കാന് പ്രോസിക്യൂഷന് ഇന്ന് കഴിയാതെ പോകുന്ന ഒരു സാഹചര്യം കാണാന് സാധിക്കുന്നുണ്ട്. ഏതൊക്കെ ഫോണിലെ വിവരങ്ങളാണ് നശിപ്പിച്ചത്. സാക്ഷികളുമായി ബന്ധപ്പെട്ട വിവരങ്ങളാണോ പ്രതി നശിപ്പിച്ചത്? എങ്കില് മാത്രമേ പ്രതി സാക്ഷികളെ സ്വാധീനിച്ചുവെന്ന് മനസിലാക്കാന് കഴിയുവെന്നും കോടതി പറഞ്ഞു.