ദില്ലി: പാലക്കാട്ടെ ആര്എസ്എസ് നേതാവ് ശ്രീനിവാസന് കൊല്ലപ്പെട്ട കേസിലെ അന്വേഷണത്തിനെതിരായ ഹര്ജി തള്ളണമെന്ന് എന്ഐഎ സുപ്രീംകോടതിയില്. ശ്രീനിവാസന്റെ കൊലപാതകത്തിന് പിന്നില് ഗൂഢാലോചനയുണ്ടെന്ന് എന്ഐഎ കോടതിയെ അറിയിച്ചു. ജനാധിപത്യപരമായി തെരഞ്ഞെടുക്കപ്പെട്ട സര്ക്കാരിനെ അട്ടിമറിക്കുക എന്ന അജണ്ടയ്ക്ക് തടസം നില്ക്കുന്നവരെ ഉന്മൂലനം ചെയ്യുക എന്നതാണ് പോപ്പുലര് ഫ്രണ്ടിന്റെ രീതി. ഇതിനായി തയ്യാറാക്കിയ പട്ടികയില് നിന്നാണ് ശ്രീനിവാസനെ കൊലപ്പെടുത്തിയത്. ഭീകര പ്രവര്ത്തനം നടത്താന് ഇടപെടുന്ന പല രാജ്യാന്തര സംഘടനകളുമായും പോപ്പുലര് ഫ്രണ്ടിന് ബന്ധമുണ്ട്. ശ്രീനിവാസന്റെ കൊലപാതകവുമായി ബന്ധപ്പെട്ട വിഷയങ്ങള് യുഎപിഎയുടെ പരിധിയില് വരുമെന്നും എന്ഐഎ വ്യക്തമാക്കുന്നു. എന്ഐഎ അന്വേഷണത്തിനെതിരെ കേസിലെ പ്രതി കരമന അഷറഫ് മൗലവി നല്കിയ ഹര്ജിയിലാണ് സത്യവാങ്മൂലം നല്കിയത്.
