ഇടുക്കി: പൈനാവ് ഗവണ്മെന്റ് എഞ്ചിനീയറിങ് കോളേജ് വിദ്യാര്ഥിയും എസ്എഫ്ഐ പ്രവര്ത്തകനുമായ ധീരജ് കൊല്ലപ്പെട്ട കേസില് ഒരു കെ.എസ്.യു നേതാവ് കൂടി കീഴടങ്ങി. കെഎസ്യു ഇടുക്കി ജില്ലാ ജനറല് സെക്രട്ടറി നിതിന് ലൂക്കോസ് ആണ് കീഴടങ്ങിയത്. ഇതോടെ കൊലയാളി സംഘത്തിലെ ആറു പേര് പിടിയിലായി.
സംഘത്തിലുണ്ടായിരുന്ന അഞ്ചു പേര് നേരത്തെ പിടിയിലായിരുന്നു. ഇവരില് മൂന്നു പേര് പോലീസിനു മുന്നില് കീഴടങ്ങുകയായിരുന്നു. മറ്റു രണ്ടു പേരെ സംഭവദിവസം തന്നെ പോലീസ് അറസ്റ്റ് ചെയ്തിരുന്നു.
നിലവില് നിഖില് പൈലിയും ജെറിന് ജോജോയും റിമാന്ഡിലാണ്. ഇവരെ പത്തു ദിവസത്തേക്ക് കസ്റ്റഡയില് വിട്ടുകിട്ടണമെന്ന് ആവശ്യപ്പെട്ട് പോലീസ് കോടതിയെ സമീപിച്ചിട്ടുണ്ട്.
കൊലക്ക് ഉപയോഗിച്ച ആയുധം കണ്ടെത്തുന്നതിനും സംഭവസ്ഥലത്തെത്തിച്ച് തെളിവെടുപ്പ് പൂര്ത്തിയാക്കുന്നതിനും വേണ്ടിയാണ് കസ്റ്റഡിയില് ആവശ്യപ്പെട്ടിരിക്കുന്നത്. ഇടുക്കി ഡിവൈഎസ്പി ഇമ്മാനുവല് പോളിന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്.
15 Less than a minute