ഗവര്ണറുടെ നയപ്രഖ്യാപന പ്രസഗം നീട്ടി നിയമസഭാ സമ്മേളനം തുടരണോ എന്നതില് സര്ക്കാര് തീരുമാനം ഇന്ന് ഉണ്ടായേക്കും.രാവിലെ ചേരുന്ന മന്ത്രിസഭാ യോഗം ഇക്കാര്യം ചര്ച്ച ചെയ്യും .നിയമസഭ അനിശ്ചിത കാലത്തേക്ക് പിരിഞ്ഞെങ്കിലും മന്ത്രിസഭ ചേര്ന്ന് ശുപാര്ശ നല്കിയാലേ വിജ്ഞാപനം ഗവര്ണര് പുറത്തിറക്കുകയുള്ളു.സഭ പിരിഞ്ഞ കാര്യം ഗവര്ണറെ ഔദ്യോഗികമായി അറിയിക്കാതെ നയപ്രഖ്യാപനം ഒഴിവാക്കാനാണ് ആലോചന
പുതിയവര്ഷത്തെ ആദ്യത്തെ നിയമസഭാ സമ്മേളനം ഗവര്ണറുടെ നയപ്രഖ്യാപന പ്രസംഗത്തോടെയാണ് തുടങ്ങേണ്ടത്.കഴിഞ്ഞ നയപ്രഖ്യാപന തലേന്ന് സമ്മര്ദത്തിലാക്കിയതിന്റെ തുടര്ച്ച സര്ക്കാര് പ്രതീക്ഷിച്ചു കൊണ്ടാണ് സര്ക്കാര് നീക്കം. സഭ പിരിയുന്നതായി മന്ത്രിസഭ ശുപാര്ശ ചെയ്യാത്ത പക്ഷം പിന്നീട് സഭ സമ്മേളിച്ചാലും പഴയ സമ്മേളനത്തിന്െറ തുടര്ച്ചയായി തന്നെ കണക്കാക്കാം. തല്ക്കാലത്തേക്ക് നയപ്രഖ്യാപനം ഒഴിവാക്കാമെന്നല്ലാതെ സ്ഥിരമായി ഗവര്ണറെ നയപ്രഖ്യാപന പ്രസംഗം വേണ്ടിവരും.
ഇതിനിടെ ഗവര്ണര് ആരിഫ് മുഹമ്മദ് ഖാന്റെ ക്രിസ്മസ് വിരുന്ന് ഇന്ന് വൈകിട്ട് രാജ്ഭവനില് നടക്കും.മുഖ്യമന്ത്രിമാര്ക്കും മന്ത്രിമാര്ക്കും ക്ഷണം ഉണ്ടായിരുന്നെങ്കിലും പങ്കെടുക്കേണ്ടെന്നാണ് സര്ക്കാര് തീരുമാനം.പ്രതിപക്ഷനേതാവും വിരുന്നില് പങ്കെടുക്കില്ല.ഡല്ഹിയില് ആയതിനാലാണ് പങ്കെടുക്കാത്തതെന്നാണ് വിശദീകരണം.
കഴിഞ്ഞ തവണ മതമേലധ്യക്ഷന്മാര് പങ്കെടുത്ത പരിപാടിയിലേക്കാണ് ഇത്തവണ മന്ത്രിസഭയേയും പ്രതിപക്ഷത്തേയും ഗവര്ണര് ക്ഷണിച്ചത്.സര്ക്കാരിനെ പ്രതിസന്ധിയിലാക്കുന്ന ഗവര്ണറുമായി വിട്ടുവീഴ്ച വേണ്ടന്ന നിലപാടിന്റെ അടിസ്ഥാനത്തിലാണ് പങ്കെടുക്കേണ്ടെന്ന് സര്ക്കാര് തീരുമാനമെടുത്തത്.മത മേലധ്യക്ഷന്മാരും പൗര പ്രമുഖരും വിരുന്നിന് എത്തും