തിരുവനന്തപുരം: അപൂര്വ രോഗ പരിചരണത്തിനായി കെയര് ( Kerala Against Rare Diseases) എന്ന പേരില് സമഗ്ര പദ്ധതി ആരംഭിക്കുവാന് ഒരുങ്ങി സംസ്ഥാന ആരോഗ്യ വകുപ്പ്.
കെയര് പദ്ധതിയുടെ ഔദ്യോഗിക പ്രഖ്യാപനവും 61 നഗര ജനകീയ ആരോഗ്യ കേന്ദ്രങ്ങളുടെയും 31 ഐസൊലേഷന് വാര്ഡുകളുടെയും സംസ്ഥാനതല ഉദ്ഘാടനം ഈ മാസം ആറിന് തിരുവനന്തപുരം ടാഗോര് തീയറ്ററില് മുഖ്യമന്ത്രി പിണറായി വിജയന് നിര്വഹിക്കും.
രോഗങ്ങള് പ്രതിരോധിക്കാനും, നേരത്തെ കണ്ടെത്താനും, ചികിത്സകള് ലഭ്യമായ സാഹചര്യങ്ങളില് അവ ലഭ്യമാക്കാനും, മരുന്നുകള് കൂടാതെ സാധ്യമായ തെറാപ്പികള്, സാങ്കേതിക സഹായ ഉപകരണങ്ങള് ലഭ്യമാക്കുക, ഗൃഹ കേന്ദ്രീകൃത സേവനങ്ങള് ഉറപ്പ് വരുത്തുക, മാതാപിതാക്കള്ക്കുള്ള മാനസിക, സാമൂഹിക പിന്തുണ ഉറപ്പ് വരുത്തുക തുടങ്ങിയ സേവനങ്ങള് ഉള്ക്കൊള്ളുന്ന സമഗ്ര പരിചരണ പദ്ധതിയാണ് സംസ്ഥാന സര്ക്കാര് ലക്ഷ്യമിടുന്നത്.